聖誕節消費熱潮已經開始了好一陣子，直至聖誕過後大減價的這一段時間，是誘使消費者傾囊相授、真正大出血的一輪黃金檔期。據研究消費行為的學者所說，逛街或在網上購物有所謂「購物動力效應」，這即是說，除非一件不買，不然，購買第一件物品後，消費者便有多購甚至濫購的衝動。
不少人聖誕節會互贈禮物以表心意，可是許多時送出的禮品其實難符受禮者的喜好，使送禮的意義和果效打了折扣。因此近年「禮品卡」在加拿大乘時而興，頗受歡迎。禮品卡較禮券優勝之處，是用多少扣多少，省卻 “找贖” 的麻煩。
太座每年聖誕節在學校都收到不少家長的禮物，當中包括糖果朱古力、一些小禮品、禮券、禮品卡以至衣服……等等都有。糖果朱古力當然不敢多吃，多數轉送家人朋友。收到的現成衣服許多時未盡合意，要換款、換色和換碼；有時叨光甚至換件男裝給我！至於那些小禮品，例如相架、玻璃器皿、小飾物……等等，這幾年儲將下來，現在已裝滿了兩、三個移民時裝箱用的大紙皮箱，估計不下一百幾十件，得物無所用！我曾笑對太座說，不如幾時趁有節日活動，租個臨時攤檔幾天，將之擺賣平售套現；或借弟弟家舉行GARAGE SALE。所收的禮物中當然以禮券和禮品卡最合用，尤其是禮品卡, 幾時想在所屬公司買些甚麼東西，就用來付款扣數，買多少扣多少，不限日期和次數，扣完卡內價值為止。
想起以前在港工作的最後數年，到聖誕節在公和在私要準備三數份禮物，每年都要為張羅買些甚麼而大傷腦筋，頗為煩惱。已經許多年沒在香港過聖誕節，不知道「禮品卡」的這種送禮模式，今天是否亦如加拿大般在香港流行呢?
哈!!!!!!!!! 你終於出咗blog 啦﹐ 咁咪好囉﹐ 大風雪就唔好出去啦﹐ 好危險架﹐
回覆刪除[版主回覆12/17/2007 02:04:00]漫天風雪之夜，更深人車俱寂，對住窗外白濛濛的世界，難得即興寫到幾句。
係呀, 我收得最多係朱古力呀.
回覆刪除但我麻麻地.
但今年一份都仲未收到喎.woo.....
[版主回覆12/17/2007 02:10:00]目前距聖誕尚早呢?! 返工首天幾好環境丫嘛?
好多加國冇 ICAC。
回覆刪除[版主回覆12/17/2007 09:44:00]哈, 香港就算有ICAC, 咪一樣有人送禮, 犯法咩? ...我離開工作崗位走人之時, 寫字樓CLO都夾份送左隻金老鼠俾我，價值幾千元, 當時我有D懷疑是否可以收受咁重手禮物......
ok la. 係易赲 d 姐.
回覆刪除多謝關心.
[版主回覆12/17/2007 10:38:00]返兩日就有得OFF? 特別關照???
佢地都係護理人員麻.
回覆刪除佢地都好清楚病情康復如何.
而且三月份醫院大樓新落成, 到時有三個月o既公眾假期係無得放假.
所以而家預支放左先law.
到時就慘law.
[版主回覆12/17/2007 12:44:00]冇所謂啦, 在唔舒服之時可以俾你有機會休息多D，已經難得; 到精神爽利之時咪做番多D補數, 都公道丫!
到目前為止, 暫時已收到三份禮物啦! 我d朋友真有我心呀! 所以我都要回禮嫁! 大家開心就得喇!
回覆刪除[版主回覆12/17/2007 12:53:00]呵呵, 其他多少唔拘, 最緊要法師果份。
收咩野唔重要! 最緊要係有心! 而且交友第一步係攞個心出來交o者!
回覆刪除d風雪仲有無咁大呀﹐ 你記著揸車要小心D呀 唔好揸到咁快呀!! 記著出入要著多件衫先好耶
回覆刪除[版主回覆12/18/2007 15:17:00]星期日最厲害, 成日落個不停, 有成呎幾雪!!不過朝早都要撐船 出去食早餐, 然後買埋野返歸夜晚打邊爐 , 若果唔係就要三餐公仔麵架罅。 晚來天大雪, 最好打邊爐。
香港基本上係冇「禮品卡」呢樣野架，不過聽落都好實用、好受歡迎。
回覆刪除既然您有咁多「存貨」，不如將佢地放上網賣鬼咗佢！ 賺返 D 錢都應該夠抽一手新股架！
[版主回覆12/19/2007 11:55:00]若果人地送俾我, 我就十分歡迎。不過有D人會嫌直接得滯, 冇D心思。我就以實用為前提, 得物無所用就覺得好浪費。當然都要睇吓送俾乜人同埋係乜場合，聖誕我送張禮品卡俾大人佢就實有微詞囉... 上網賣喎, 你估係你果D精品咩。果D全部都係大路CHEAP野, 通街有得賣, 鬼有人喺網買咩, 盞搞(口既)啫。不過我有樽舊版路易十三軒尼詩拔蘭地, 在我手上都已經成三十年, 早兩年貪得意擺上E-BAY賣, 都冇人吼。