稱得加國饞人，當然為食，或許這是得自老爸的遺傳。年輕時未識痛風、膽固醇、血脂的饕餮歲月，吃得毫無顧忌；那種痛快淋漓的感覺，現在仍緬懷不已。雖然大杯酒、大塊肉的日子一去不復返，可是饞性難改，仍不時四出搵食，月中一般會食三兩次日式自助餐。最近一次有帶相機，拍下部份食物照片，再還目食之債。
餐價C$17.99(另加14%稅、小費)；任點任食 (限時個半小時)
多倫多這類日式自助餐廳不在少數
三款刺身：北寄貝、鱲魚、三文魚；牛柳丁；秋刀魚
天婦羅蝦
海鮮拉麵
炒雜菜；燒牛扒；炸帶子
再來一個鱲魚、北寄貝刺身
鰻魚壽司
生牛肉刺身
焗扇貝
哈,被我霸左次頭位添!!
回覆刪除大哥個邊原來一樣咁多嘢食,係唔係$160元/人?仲平過香港??
[版主回覆11/07/2007 10:03:00]餐價原本18元(可以用九折COUPON)，兩個人連稅加小費共約C$43......折算HK$ X 8 (!唉 ), 人均消費約HK$170左右啦. 以前兌港幣5幾時, 就覺得十分之抵...不過而家兌8樓上, 心理上就好似貴左咁囉 , 其實呢間野幫襯咁耐都未起過價.
香港呢類日式自助餐好似唔多興(?), 我只食過幾次點菜形式的日本野, 就覺得相當貴. 所以喺度食, 應該平好多, 當然, 呢類任食自助餐, 唔會有乜矜貴野食架嘞!
好彩我都霸到個第二名，自助餐沒有食好耐了，因為在香港好食嘅又貴，平嘅食咗又驚有事及沒有嘢食，況且而家又要減肥更加唔會去食自助餐了，反而有Ｄ平嘅沙律自助吧就會去幫襯下。
回覆刪除[版主回覆11/07/2007 11:50:00]有時饞蟲作怪, 隔一陣心思思又想去... 。食過二三巡, 冇咁肚餓之時, 都開始有D罪惡感架 , 但係下次又...... 。成餐齋沙律非我杯茶, 不過就會叫一兩兜仔雜菜沙律(仲要走沙律汁咁清架), 兼開食吓(口既)。
你係咪尋日拿拿聲去食﹐ 影堆相放上黎交行貨呀 請你食雪糕啦
回覆刪除[版主回覆11/07/2007 11:53:00] 俾你地係咁逼迫，哦到我無地自容, 求其搵D野擺上黎頂吓檔先囉。
嘩，睇到流口水，好好味呀
回覆刪除[版主回覆11/07/2007 12:29:00]而家去食自助餐, 多數食日式, 貪佢有魚生刺身食, 因為我同大人都比較喜歡原味新鮮野......
阿大，你又考人眼力喇
回覆刪除[版主回覆11/07/2007 12:24:00]唔係呀, 我揀左MEDIUM字體架, 點知出黎變左咁細咋, 等我得閒再搞吓啦......
金小姐, 一係就咁大, 出唔到MEDIUM, 就你, 寧大勿小啦.
回覆刪除大大都殺起啦！今日卒之有新貨上市，係咪要慶祝爸爸跌翻落黎？
回覆刪除[版主回覆11/07/2007 13:52:00]跌番落黎, 個心就阿q式舒服d
不過都係唔敢再買架喎! 實際冇分別.
你想字體啱大細，可以響 word 度用 14 號字打左先，再抄翻過黎，咁就唔大唔細嘞。
回覆刪除[版主回覆11/07/2007 13:50:00]哦, 等我一陣抄過去試吓...ty
掂左, 唔該法師! 乜今日又冇出街食晏呀?
回覆刪除影漏咗碗白飯啊﹗
回覆刪除[版主回覆11/07/2007 14:47:00]冇食白飯啊！整碗白飯, 重駛食其他野(口既)?! D壽司都大舊飯啦, 金礦!
呢一排都係食奀猪午餐，多數係一包快熟通粉加多量菜些少肉，費事出去跑東跑西 ---- 東就要去到灣仔甚至鵝頸海記，西就要去到上環，天氣熱果時唔想走，懶開就懶，涼左亦唔想走，都係食愛心通粉好過。食通粉好過食大舊飯啦，阿大！
回覆刪除[版主回覆11/07/2007 19:32:00]噫, 咁D指數應該好以股災咁猛SIR落黎啦?!
你果邊的日式自助餐係咪自己出去任攞架﹖香港日式餐廳的所謂自助餐係俾張餐單任你剔，但上菜就唔會快，有時d貴野剔左又唔黎，叫時又要成枱人計，唔係咁痛快﹗
回覆刪除[版主回覆11/08/2007 02:23:00]我地都係落單叫(口既), 係UP唔係剔. 伙記埋黎UP要乜, 一次叫十幾廿樣都唔怕唔好意思, 仲可以UP埋要幾多份量添, 當然每款唔可以亦唔需要叫得份量太多, 寧願食完再叫; 但係兩個人食, 自己有D可以叫一人最少份量試吓, 唔駛叫左唔鍾意食, 食淨係度嘥左唔好意思. 不過呢間有幾樣叫做 "矜貴" 野就每枱限叫一轉.
我幫襯呢間D野就黎得好快, 有時仲覺得快到離譜添 ，唔會有你講D情況出現; 服務員又多, 唔會望極都搵唔到人落單。但係試過幫襯第D呢, 就遇到過, 果間立即打柴, 唔會返轉頭幫襯。其實因為限時個半小時, 你縮骨搞搞震, 叫D野唔黎, 人地催單, 盞阻住下一輪. 呢間野旺場時要等位架。
多倫多好多呢類食肆, 競爭厲害, 現在一般都唔會出縮骨招架嘞, 否則實做唔住, 聽執. 我地大大話話試過十間八間, 呢間幫襯最多。而家唔止中國人，連其他國籍D人都好多幫襯, 嘩, 有時見到D挺住個大肚腩(口既)魁梧洋 漢, 我就同大人私語, 呢個實要蝕俾佢囉。佢地真係食得好勁架, 係佢地黎講, 廿蚊鬆D, 食到增大2、3吋腰圍, 捧肚而歸, 真係抵到爛架。哈哈, 我地D津貼佢囉。
D 指數有無 sir 到就要驗過至知，但係去完福建，響果度成日都食，返黎即刻重左 5 磅就係鐵一般 o 既事實！
回覆刪除[版主回覆11/08/2007 10:17:00]吓, 重5磅? 杰囉!我響香港返黎都冇咁厲害喎! 咁你收尾果......幾餐梗係好甘架嘞!! 拿拿聲出BLOG啦, 等我......
嘩！好味道，而且價錢不貴！
回覆刪除我以前 (應該係 1996 年) 係多倫多食過一次日本菜，又平又好食，至今仍十分難忘！
[版主回覆11/08/2007 14:15:00]既然 至今仍十分難忘, 咁你過黎就請你去食, refresh吓你呢位食家同旅行家(口既)難忘印象啦!!
阿大﹐ 你作果首討真係好好呀﹐ 得閒要多D教情人寫下野先好呀﹐ 最多請你飲杯
回覆刪除[版主回覆11/08/2007 14:19:00]得才女褒獎, 真係飄飄然!!
你真係好捧場呀又準時過來秋本館喎!! thanks!! 情人淚ge回應
回覆刪除我都請你食 啦! 店名叫大禾定係咪 "大米" 咁咪老鼠愛大米!! 你都愛吃日本菜0架! 我超愛!! 限食個半小時0乍.......哈))))咁咪li頭食果頭要點定菜...............
[版主回覆11/08/2007 20:22:00]你同情人淚一人請一個CONE, 嘩, 咁我咪要連做幾日運動先抵銷得番? 好鬼辛苦架!! 我唔係老鼠, 因為果間野叫大禾, 唔係大米!
若果唔係咁多人, 都可以賴多十零分鐘(口既), 不過點都係最多兩小時之內啦。佢D野黎得好快, 食到咁上下就黎食晒, 又叫囉!! 經驗係一個鐘頭突D倒已經食飽夠皮, 之後就拈吓拈吓咁(口既)啫!!
乜你原來好準時去秋本館咩!! 點解你唔準時到情人館耶﹐ 咁你分明大細眼﹐ 太過份耶!! 真係要企高小小
回覆刪除[版主回覆11/09/2007 11:28:00]呀姐姐, 我一日周處去, 喺四點收市後梗四圍巡多一輪先瞓。秋本果時碰啱或會有新料, 咪順便UP埋野囉。都有巡你間館架喎, 不過果時你邊會咁早出到新料呀?
亞大你真係偏心嘞，去探謝記就有留言，你話有去我度但就無留言，你講什麼都得啦！
回覆刪除[版主回覆11/09/2007 12:06:00]哈, 講起黎, 你都好耐冇寫長篇野歎過世情、開導吓我呢挺俗人囉, 又冇正野目食, 講影相講貓我又唔係果皮, 你叫我UP乜呀, i姐?
回覆刪除http://www.animalearth.org/index.php
2007 年 11 月 11 日 ( 本星期日 )
「為藍藍站起來!」關注動物權益大遊行
集合時間：下午三時
集合地點： 中環遮打花園
情人,你唔好鬧阿大啦.
回覆刪除[版主回覆11/09/2007 15:03:00] 唉!
今日幾好丫嘛?
阿大兄 睇見你d にほんりょうり真係口水都流埋!
回覆刪除唔通真係同 食 中人～！
[版主回覆11/09/2007 14:55:00]哎吔, 我鍾意食日本野咋喎，不過唔識日文架!
若果你都為食(口既), 肯定就係同食中人啦 ......此外, 我話所謂同道中人, 喺果邊見你講到 試大閘 , 識得呢個名詞, 我諗 ...你每個星期可能會有兩日有D細藝咁嘞, 係咪呢??
哈哈！我下個星期二晚都會去食日本 Buffet ， HK$168 任食， 我食過一次唔錯所以再介紹朋友一齊食，遲 D 會寫 Blog。
回覆刪除P.S. 睇黎今日個市都係勉強撐住。
[版主回覆11/09/2007 16:29:00]咁我等住睇嘞 , 我唔知香港(口既)係點, 未試過啊!! $168就唔貴丫. 個市應該唔會再大散住卦...? 除非美國...
回覆刪除情人專程送上呢份小禮物﹐ 希望你笑納啦
[版主回覆11/10/2007 15:31:00]多謝, 有埋幅圖, 連首詩都唔同睇法!
話時話﹐ 情人幫你改咗一個字﹐ 你唔出貓嘅情況下﹐ 知唔知係邊個字呢﹖
回覆刪除[版主回覆11/10/2007 16:00:00]哈, 梗係知啦, 當我儍架! 都字改左做終字丫嘛! 昨天響你果邊一望已經知道啦。終字就執着D、堅持D、轟烈D!!
阿大, 可唔可以解釋下你這代表作意思呢!
回覆刪除[版主回覆11/10/2007 23:37:00]想他想得忘記了自己的形體，不斷的思憶，使到面容眉宇間竟變得顏色枯槁了 ! 人是消瘦了，以致本來的衣服現在穿在身上看起來也變得寬了 , 可是我始終沒有後悔啊！我還要向那燈火稀落微暗之處尋覓，希望總有一天可以找到他 !
PS 呵呵, 這不是甚麼代表作, 只是抄集砌成的小玩意而已。 衣寬終不悔 一句取自 : "衣帶漸寬都不悔, 為伊消得人憔悴。" 燈火覓闌珊 一句取自: "眾裏尋他千百度, 驀然回首, 那人卻在燈火闌珊處"。 原詞的 伊 和 他 在男女情事上, 固然可以是指人；甚至或由此聯想到另一境界和層次, 也可以說是人的目標和理想。有人為追求自己的理想, 犧牲也在所不惜。 原詞值得仔細咀嚼玩味哩!
回覆刪除今日調咗假返工，走過來八吓先，亞大！呢幾日亞傅返咗嚟香港，我要做乖乖女呀，昨晚整咗煲茅根竹蔗水俾佢嘆，今早煲白粥及整銀芽炒麵，希望佢食得開心啦，因為佢返東莞住瘦咗 八磅 呀，陰功！搞到街坊福利會個姑娘亞頭都立即來我家做家訪。唉！
回覆刪除[版主回覆11/11/2007 13:16:00]咁你俾心機服侍佢啦. 大陸D野搞掂嗱?
其實咁o既價錢, 有生牛肉片,咁大隻扇貝,已經抵番晒啦.
回覆刪除香港咁o既價錢,絕對食唔到.
我至愛o既北寄貝都好大塊喎.
[版主回覆11/11/2007 22:42:00]喺呀, 所以久不久就心思思要去食一次. 呢間D刺身比較靚, 大塊又好味D!! 雖然飲品只得汽水, (第二間有D有甚麼咖啡冰沙、珍珠奶茶和紅荳冰), 我地夜晚多數幫襯呢間。
係搞掂咗佢就唔使激到瘦啦，佢星期三又要同我師兄返東莞嘞，你急佢唔急！唔知係咪要拖到出年呀。
回覆刪除阿大﹐ 你尋日有無出去食野呀﹐ 以後睇怕你去到邊最好帶定個相機﹐ 方面你下次交行貨呀
回覆刪除[版主回覆11/12/2007 14:15:00]呢個假期食神高照, 星期六晚有家長請食壽司+西餐, 帶樽酒過訪大擦; 今早又有人請飲茶, BRUNCH茶之後又是聯誼節目, 射吓雀...然後家庭生日飯局, 明天又要抽時間做多些運動補數(?).在人地屋企唔方便影D食物交行貨哩
你的提議很好, 稍後一於將架相機放在車裡, 去到邊, 環境適合就影到邊, 不過...數碼相機唔知在戶外零下十零廿度怕唔怕凍(口既)呢? 會唔會凍壞身體而罷工?
阿大,你唔休息下.
回覆刪除[版主回覆11/12/2007 15:07:00]午市休息時, 瞓左兩粒鐘, 醒左冇耐; 今晚真係好鬼眼瞓, 因為朝早冇得瞓, 去飲早茶, 然後開枱, 食埋晚飯先返黎擒擒青開機. 而家要四點後然再恰陣嘞, 呢D叫做狗蚤覺喎
你係咪好D罅?
阿大﹐ 你有無攪錯呀, 家陣你古叫你影少龍咩﹐ 揾個手電咪以經影到囉!! 咁咪得囉
回覆刪除[版主回覆11/13/2007 14:50:00]咩叫做 "影少龍" ?
哈, 唔怕失禮, 我個手提電話係參加通話計劃送(口既), 仲係幾年前(口既)事, 我諗老爺到唔恨; 我淨係用黎打出接入, 完全唔識用其他野架...譬如短訊、電郵等等(都唔知有無?); 至於用黎影相, 我諗部機冇呢種功能喎.
我的原則係: 用得就可以; 簡單就是美啊!!
阿大原則仲有：食得唔好嘥﹗
回覆刪除[版主回覆11/13/2007 17:34:00]係呀, 屋企D餸頭餸尾, 大人唔食, 就梗係我包晒!
阿大兄
回覆刪除我諗情情應該係話影成龍~!
龍少嘛.....仲唔係!
[版主回覆11/13/2007 18:31:00] 我冇乜機會見到龍少唷!! 點影耶? 就算有架拉架都無用武之地啦!!! 我係影相盲毛, 更加唔敢幻想影到D沙... 嘛
阿大﹐ 你得閒換咗個手機啦﹐ 你個手機愛黎打小人就好﹐ 有埋相機嘅手機好好架﹐ 比如話你見到鬼又可以拿拿聲影番幾張擺上個blog到﹐ 幾方便耶 快D換番個新機啦﹐ 包你換咗之後覺得正耶
回覆刪除你似乎講錯野嘞, 想換有影相功能(口既)新一代手機, 唔係話得閒就換到, 係應該講 "你有錢就換左個手機啦" ! 識唔識世界艱難呀, 姐姐! 等我認真考慮幾個月先啦...
回覆刪除唉~~ 胡言亂語更多錯字........
回覆刪除真係一d都冇講錯~!
[版主回覆11/14/2007 16:48:00]
乜野無錢錢啫﹐ 你食少幾餐日本餐﹐ 乜都係到啦﹐ 一於出去睇下有無手機連相機﹐ 咁又可以即刻post 上黎﹐ 咪幾好耶
回覆刪除[版主回覆11/15/2007 11:16:00]有就梗係有啦, 你估呢度係蠻荒之地咩!! 睇吓幾多錢之嘛. 不過我而家用數碼相機影D相, 都唔可以直接駁落自己電腦度, 要去姪女部機抄落隻碟, 返黎先讀到, 若果部手機影D野又係咁, 咪嘥錢又嘥氣? 都係等我遲D解決左呢個問題先諗啦, 遲D又可能會平D添...
係呢, 乜今日咁早呀, 唔駛做呀?
阿大兄
回覆刪除呢次我都唔幫你嘞, 換部手機之嘛, 使唔使等中咗6合彩先呀. 仲有呀~ 你唔換機唔緊要, 唔該你換咗上面幾碟野先嘞, 你睇碟牛肉sashimi, 変咗牛肉乾喇, 仲有 天婦羅隔離碗豉油呀～ｄ蟻躝下躝下咁 你睇唔到嘅咩～！
[版主回覆11/15/2007 18:30:00]哈哈, 小紋哥, 你一定去見得情姐姐多, 俾佢縱壞左LOR; 佢不嬲文思泉湧、搵圖窿路又多, 所以天天換畫、日日鮮料，快手到唔恨; 但係我既懶又鈍, 幾難先整到一篇野出黎, 難以同情姐姐相比架(ie:胡言亂語呢方面就真係成日亂UP, 不過就希望冇乜錯字啦!! 。)唔該忍受多一陣添啦.
真係好多謝你不時過黎UP吓野, 唔駛呢度靜英英 , 希望唔阻你溫習功課搵食啦!! 即管開張期票先......遲多三五七日, 或者睇吓可唔可以換啦......喺呢, 周三掂丫嘛?
您好﹔
回覆刪除在情人淚的blog見到你的墨宝;思維及見解非常獨具慧眼,
特意冒昧地專誠拜訪請勿見怪;剛好看到這頁知妳亦是喜歡吃的人.
可唯同道中人;但我只懂皮毛.....希能多多賜教！
[版主回覆11/15/2007 22:38:00]Hi, 你好! 多謝探訪及留言呀! 真的太客氣誇獎了 , 不過都是些即興亂UP一通的回應而已。
我的確是個愛吃之人, 既是同道, 有時間就多些過來交流一下啦!!
阿大, 仲未訓咩?
回覆刪除[版主回覆11/16/2007 05:20:00]今早晏食早餐, 送完大人回來抖多一陣, 答完回應就立即去瞓......剛執行任務回來.
阿大多左好多新粉絲喎！食客盈門，可喜可賀！
回覆刪除[版主回覆11/16/2007 11:03:00]你近排四出雲遊就多, 好似愈黎愈少貢人啲BLOG囉. 暫時未有機會一齊搵食住, 得閒咪喺度UP住先喇...
唔好笑情人耶﹐ 情人呢幾天真係忙到人仰馬翻﹐ 顧得呢樣﹐ 顧唔到第二樣呀!!
回覆刪除你快D出番個手電啦﹐ 應該唔貴架﹐ 你簽二年約﹐ 差不多免費可出機都有可能啦﹐
你得閒去情人到撐下場啦﹐ 陰公
你同小騙子笑情人條數﹐ 得閒先同你地計
[版主回覆11/16/2007 20:55:00]"真係忙到人仰馬翻﹐ 顧得呢樣﹐ 顧唔到第二樣呀" , 睇黎呢樣就真, 你忙到唔記得專登用錯字嘞 。今次一百分!! 一個錯字都冇! 咁希望你忙D嘞 , 等你會唔得閒諗D錯字黎用, 要我地傷腦筋。
我而家個電話冇簽約架, 係買PRE-PAID CARD, 斷分鐘計, 每個月十零蚊都用唔晒. 累積左百幾蚊結餘. 我個手提主要係用黎(手查)車旁身(口既)啫, 又唔係成日喺街, 亦唔係咁多人搵我. 不過遲D或者都諗吓換機唔定.
阿大兄
回覆刪除我諗你移民咗太耐, 都同hk脫晒節喇~! e+搵啖食 仲邊使做功課架! 乜你冇聽過黃金一檔咩, 打開課本, 睇睇邊位執贏 照跟就掂架喇~!
呀~係呢~! 唔知你果邊有冇呢度咁繁忙呢! 聽講話移民加國d人, 得閒最多就係去公園睇吓d鳥兒開吓大細之喎, 唔知係真唔係呢~? 不過我諗自從有咗個蜘蛛網後, 起馬都可以係個綱到貢泥貢去冇咁苦悶吖~!
[版主回覆11/17/2007 02:06:00]隔咁遠, 脫節多少有D, 不過未脫得晒(至少保留三點 )。以前在香港, 一排位就買本大勝做功課; 呢便明報、星島, 都有馬經版, 上網又可以翻睇走位圖片, 資料不虞缺乏。網上投注現在非常方便, 比在香港時更便捷。至於點揀就真係無定法, 我自己係賠率派。
這邊的生活, 其實都係因人而異。有工作的就唔慌得閒得去邊，至於好似我咁, 提早退休過黎, 無所事事, 自己想做乜咪做乜囉。屋企人喺晒呢邊, 又有唔少舊同事過左黎, 間中飲茶玩雀; 學你話齋得閒又可以上吓網, 玩股玩馬, 尚不愁寂寞, 有時連瞓覺都好似唔多夠時間架。
阿大, 原來你鍾意賭馬架?
回覆刪除我以前都學過下,但太煩複啦.
所以無咩興趣.
[版主回覆11/17/2007 20:32:00]哈哈, 繁簡隨自己鍾意之嘛, 擲骰又得, 買騎師又得......, 最緊要中啫 。在香港時有一陣頗喜歡入場, 試過拍拖捉埋大人一齊入沙田, 佢有佢坐響寬闊的看台度織冷衫 我就兩頭騰。現時買還買, 只是心癮, 已無復當年日刨夜刨的熱忱, 亦不能有現場睇住D馬在綠茵跑道中競跑爭逐的樂趣矣。
hehe.....去馬場織冷衫, 有創意.
回覆刪除我曾經學過騎馬, 但個pet pet好痛 law.
因為當時我好鍾意套衫同頂帽.
但太辛苦啦.
[版主回覆11/18/2007 03:15:00]係呀, 騎馬(口既)裝扮幾好樣架, 尤其女性, 顯得英姿爽颯。有段時間香港有幾個女騎師, 果陣我都成日入場睇。
你梗係一曝十寒啦, 玩得密D肌肉同筋骨適應左會好D, 玩乜運動最難捱係開頭果陣...
你忙到唔記得專登用錯字嘞--------你想象力唔好咁豐富耶﹐ 你好快D出新blog啦﹐ 呢到又滿啦﹐ 快D寫下新野啦
回覆刪除