為食

久已乎冇買蟹食
上週六逛超市見減價
(其實如今所謂減價都貴過以前一倍)
咳亦已好得八八九九
於是的起心肝買隻過一下口癮

由於當日晚上早有飯約
返歸即時蒸了...放入雪櫃作凍蟹
翌日星期日晚上大人玩煮飯仔...

自己一向相對嗜膏多於肉

可是膏的膽固醇...嘿嘿
實利口不利腹者也

好在如今賣得貴

偶然忍痛和放肆食一次...啫
XD

 又濕熱又凍
再加樽啤酒

寒底虧精揀了不少薯仔炆雞內的薑片聊充 "解藥"

餐後還即時DAP了一粒寶島 "名產" 蜂蜜薑汁黑糖化毒

--------------------

元宵佳節團拜之期日近
到時人多墟冚
預備該日炆個餸上廚神府
等佢地忙少一樣

本來打算炆個海參花膠冬菇...鵝掌
不過大人擔心近卅人每人每都要三十隻鵝掌
 架起晒

屋企個不太大的真空煲多數裝唔落

好難搞

唯有退而思其次
炆排骨喇... XD
與廚神提起原來佢地亦想炆味冬菇排骨

說不如拎埋尐海參花膠上去一齊炆

如此當然求之不得
大人就唔使擔心驚炆得唔好食而忐忑
有廚神出馬
信心保證也

 大人負責浸發

上星期開始逐樣嚟

海參比較多功夫

又煲又焗又浸又刷要兩三次

此圖所見都未得住架

兩種花膠

都相對薄身
比較簡單

發好冰了
明晚送上去給廚神任由發落...

^-^