侄女上星期約今週去佢地屋企燒嘢食
蓋老爺奶奶遊船河去也
當時還未決定在今週的星期一、二、三中揀那天
要過多兩三日睇埋最新的天氣預告而定喎
要過多兩三日睇埋最新的天氣預告而定喎
終於揀了昨天星期二
如此則未免掃興
星期二就真係VERY GOOD嘞
^-^
接完大人收工隨即出發
侄婿仍放緊侍產假
佢一人掌爐足矣
我仍要避陽光
行近出後園的玻璃趟門門口都要笠番頂鴨舌帽
宜乎坐響屋內等食
有時同靚妹玩下UP下
又逗下大人抱住的靚仔 ~ 現在撩佢已經識望住同E咀架罅
食完問靚妹最鍾意食乜(意思係今餐燒嘢食)
不假思索..."片皮鴨"
哈哈...靚妹又..."蠱惑" ---> 我同大人耶?
上星期才剛食完咋喎...
食完問靚妹最鍾意食乜(意思係今餐燒嘢食)
不假思索..."片皮鴨"
哈哈...靚妹又..."蠱惑" ---> 我同大人耶?
上星期才剛食完咋喎...
XDDD
食到飽晒才出兩件西冷扒
飽都梗係切兩條試下喇...
烤後果
烤後果
大人同靚妹喺後園玩...
呢種爐好吖，企理尐 ~ 可調校火力﹖
回覆刪除侄女家都有四腳﹖乍看未及細想，以為令弟嗰隻黑咗咁多XDDD
住 "屋" 的多置有這類的燒烤爐, 用起來比較方便企理, 可以調校火力, "生產力" 亦甚足。一到夏天, 後園燒烤係熱門節目, 到處都聞到燒烤的氣味。
刪除侄婿未婚時兩仔爺已經養開的, 年紀比細佬嗰隻大, 應該係同種(西施?),現在黑得嚟好似有尐甩甩地色咁...。
加拿大男士的侍產假有多少天?你啲"蛇印"退晒未? 應該好番晒吧。我呢兩個幾月就飽受風疹之苦，已戒口唔敢食蝦蟹牛海鮮多時了但都日日起疹塊又痕，都唔知攪乜鬼，。醫生說超過6星期便是慢性風疹，可能是自身免疫系統失調產生過敏，有人拖幾年未好，係就慘。初起時吃抗敏感藥係好得，但一停藥又起過，於是諗住睇中醫食中藥調理，食左10幾劑又冇乜改善，依家食健康食品來調理，食左都成個月，有好轉但每日都會有小粒如蚊癩般在手腳浮現，很快又自行消退，好在依家唔太痕可以入睡。惟有繼續食到好晒為止。雖不是甚麼重病，但好厭煩，最慘有時連塊面都有，周時一撻撻紅。
回覆刪除這邊的侍產假異於香港咁放法, 放盡可以放三、四個月(?)之多(實際幾多就無乜留意 XD, 侄婿似乎仍可繼續放... )。放假期間由失業保險金系統仍按時支薪 ~ 某個數額, 人工好高的就可能收不足本身的月薪(侄婿就收少過平時的人工)。
刪除(成日打打下唔見晒, 出一段才續打...XD )
風疹的確麻煩, 來去好多時都無迹可尋。平時有沒有經常飲奶? 若有則不妨停飲一陣看看如何...。那些 "方法" 能夠紓緩及改善情況, 就耐心繼續做, 希望幾時可以消失得無影無踪。
刪除蛇印大致退得七七八八, 已淡色了許多; 惟是 "有心人" 仍可見到蛇印痕迹。目前繼續戴帽出街, 尤其近來夏天漸近, 有時陽光猛烈, 更不敢掉以輕心。現在患處(頭頂、額、眼眉和眼瞼)仍不時痕痕癢癢, 會忍不住又搲又捽才後快, 尤其眉骨部位, 按之會有些痛的。目前晚上照食一粒止痛安眠的藥; 上次攞藥時白袍老友安慰說, 會慢慢好的...喎。
刪除下星期又去攞藥咯...
嘩!有3-4月侍產假咁長，加國福利真係幾好，唔生好蝕底，講笑啫。生蛇痛苦過出疹好多，依家有生蛇預防針打，我都想打定，但好似得2年效期，於是作罷。風疹都好磨人架，全身任何部位都會出的，雖可自行消退，但此消彼長，舞動全身，痕痒難頂，千祈要忍不要抓破，有傷口發炎仲麻煩。我唔算嚴重發作，好在喺塊面嗰啲唔算大塊，多出在手腳及背脊，慢性風疹難治因為找不到致敏原，好多時與食物無關，係自身免疫系統亂了，錯認外來物入侵起過敏反應，自己攻繫自己。慢性急疹並沒有急性風疹的痕痒，未致痕到不能入睡。食左成個月洋葱素及綠茶素提醇，現在算是受控但未完全好晒，因每天都會出10粒8粒。只要不太痕又不生在塊面度，惟有等佢自動好囉，反正啲癩會自行消退的。你依家每晚都要食止痛安眠藥，仲痛咩?都好似有半年了，是嗎?我相信都會慢慢好的，風疹都會自動好旳，有一半人在一年內自動好番，有啲人就拖幾年喎。算啦!年紀大機器壞，身體間中有些小毛病在所難免。希望大家都快啲好番晒啦 !
回覆刪除前面的回應說不大清楚實施放盡可以放幾耐, 今日大人同廚神講開, 據說原來侍產假係夫婦二人合計, 加埋最多可以放足一年! 換言之, 若侄女有做嘢, 佢自己放2個月產假, 侄婿就可以放10個月。侄女實際冇做嘢多年, 沒有產假, 於是侄婿要放可以放盡一年咁長。不過正如所說過的, 侄婿攞的假期人工福利比不上實際返工的月薪, 所以再放多一兩個月待侄女休養生息, 可以正常活動就會返回工作崗位的了。雖然唔使做有錢收, 但仍蝕水呢。
刪除就是因為打咗蛇針都不是絕對免疫, 又不是一針終身有效, 又要自費打而且頗貴, 所以早年向白袍老友提過有冇需要打, 聽佢口氣係不鼓勵我地打, 所以之後就無咗回事; 當然你堅持要打佢亦不會反對的。
刪除我在香港時都出過風疹, 之之佐佐唔知點搞, 亦唔記得幾耐然後無事。現在有乜邊度痕癢, 白袍老友開定一枝藥膏畀我地睇門口的, 佢話一般好多痕癢都有效, 我地有理冇理, 有三幾粒或一兩笪紅腫痕癢的地方, 就用來搽之, 初起搽三兩次就掂。唔得先去搵佢再跟。XD
醫生好多時對於敏感而出的風疹都係以暫時紓緩病人不適的感覺為主, 然後待病人自己身體 "修復"。身體因乜事出風疹, 未必可以斷定的。好在你目前只是零星十粒八粒, 希望過一陣就消失無踪。
刪除現在患處仍然覺得繃緊, 有些少痛的(因有止痛藥食卦, 否則可能感覺更加痺痛), 更多係痕, 有時谷鬼氣十隻手指係咁搲, 乾洗洗頭咁。哈哈...
上次同白袍老友講時, 問佢仲使唔使繼續食每晚食嗰粒藥, 佢已畀了心理準備我的了...
"你問幾時停藥, 我反而話你有需要時可以打孖食兩粒, 因為一粒其實的藥量甚輕, 得10MG, 一般可以食到25MG...你繼續攞定尐藥食, 冇人講到要食幾耐, 幾個月又似, 一年又似...; 試過有病人嘗試停藥, 兩三日後就頂唔順又要食番。不過放心喇, 慢慢會好的...(心諗, 幾慢呀...大佬)"
嘿...唯有暫時當維他命丸咁食囉...反正現在都一日一粒降尿酸丸, 兩粒鈣丸, 唔爭在呢粒喇...XDDD
係, 希望大家過多一陣都無事喇, 哈哈
刪除黃生，你真係中左“三粒藥丸唔少得”這句金句。哈哈哈!
刪除老人寶典中的金句嗎? XDDD
刪除