天氣稍凍
濕滯隨來
買馬同買六合彩又唔見咁好彩?!
脹然之餘 ~ 好鬼痛
脹然之餘 ~ 好鬼痛
無聊對鏡素描...
----------
此時此刻...
自自然然想起了兩套電影和一個人
奪面雙雄
疤面煞星
那人則叫...鍾無鹽
-------------------------
後記
21/11/15
最初右邊頭皮忽然無端劇痛 ~ 不紅不腫
繼而蔓延半邊額頭、魂精...
2-3日出現紅疹...水泡...
7-8日病情發展至頂峰...然後開始回落
白袍老友稱之為 "完美"
白袍老友稱之為 "完美"
畫工差劣
色筆也未盡 "適合"
色筆也未盡 "適合"
未能展示而實也不欲展示那 "界限" 分明、整整齊齊...
表呈或漲或癟大小水泡的 1/4 個芝麻皮燒豬頭的猙獰異相
以及
如今病情尾聲因浮腫造成微絲細眼的那種核突 "嫵媚美態"
從前聞說
只羡 "鴛鴦" 不羡仙 ?
只羡 "鴛鴦" 不羡仙 ?
唉...怎麼說好呢...
鴛鴦疹前聞 "只羡"
半邊 "色變" 膽驚顫
鴻運當頭
回覆刪除當到1/4個燒豬頭咁...
回覆刪除今朝一早同大人去白袍老友處輪街症(逢星期六係無得預約, 派籌先到先得)趕睇多一次保險(主要爭取假期前睇下隻眼有無事 ~ 自己驚會影響視力, 白袍老友想必心中又說我驚青喇), 吃了粒定心丸後接著才赴主任雀戰之約, 在洒樓大戰直落三餐。
主任們雖說唔怕我核突, 至驚我打唔到啫, 並謂百毒不侵云云。疤額煞星都驚嚇走佢地, 於是一早準備好笠頂喼帽和利用眼鏡遮掩右邊1/4核突廬山, 眯著眼濕濕的矇豬腫眼, 提起精神勉力應戰。
疤額煞星痛定(未痛完, 不過最痛的高峰期應該已過) "施" 痛,痛下殺手, 打到主任佢地落花流水, 贏了近30底。只有詩人主任分水之後僅以身免。
雙英齊齊告捷, 希望沖喜一下, 沖走晒尐晦氣。
攪乜冬冬？
回覆刪除水痘餘波 ~ 生蛇...
刪除生蛇生到上頭到？
刪除生喺邊度視乎身體潛藏於神經的水痘病毒(靚仔出過水痘之後就會有)在邊條神經發難, 有尐喺腰, 有尐喺胸背, 我就沿住頭部的三叉神經發出嚟。
刪除.... 聽講好痛的.... :-(
回覆刪除病兄負痛獨眼奮戰大殺三健翁，果勇夫也..... XDDD
最痛的時候係好似後生時去海灘乾晒變成燒豬咁晒到好傷後的感覺差不多。稍為觸到或稍為牽扯尐皮膚(貶眼、縐眉...)都好鬼痛的。發在豬頭還有樣係驚有機會可能影響視覺和聽覺。所以星期六去打麻雀前畀白袍老友睇多次比較安樂尐。:)
刪除或者係身負又殘又痛的哀兵上陣, 加上自己痛定不如向佢地施痛, 痛雖不同, 都搵人陪下 "痛:; 又或者...係另類 "豐茲吝彼" 的證明...XD
係咪要食抗生素和止痛藥﹖
刪除抑或發一段日子會自然“收皮”﹖
. . . 資料蒐集，以作不時之需 ;P
呢類嘢知多些少對人對己都好嘅, 日來我都看來不少資料印證病情。 :D
刪除我食緊隻 "生蛇藥" , 係針對醫皮疹的, 療程七日, 要食晒的。
原則上你忍得唔理佢同埋護理妥當, 佢會好似出水痘咁, 完成整個過程就好番。
據說生蛇若在發病72小時之內用藥, 會控制得好尐並且病情會無咁嚴重, 問題係好多人一生或者只出一次(不是絕對), 並無經驗。那種痛唔知乜頭乜路。
我初初頭皮覺痛(神經線發炎), 以為生瘡, 但又睇唔到嘢, 求其搽尐消炎藥膏, 之後範圍擴大至額頭、魂精..., 如是者兩三日後才見紅疹, 那時自己都心中有數了。今次至弊開始撞正星期五, 跟住假期, 諗住觀望下先, 到星期二大人本來約了醫生, 想臨時加我都已經無位。我都打茅波, 同大人入去, 大人睇完兩個就扯貓尾, 話我有嘢想問...講了大槪情況, 示以紅疹, 我話想今日睇的, 不過無位, 星期三又休息, 星期四嚟睇得唔得? 其實係諗住若果十分嚴重, 白袍老友至少會同我講尐嘢, 甚至叫我點做。當時佢問了我幾時開始的, 我話上星期四、五, 並問係咪疱疹, 佢話要睇過先...。那時紅疹尚未嚴重...。
到星期四去睇, 佢一見就話 "發展得好完美' (為之脹然)。自己推測, 可能星期二去睇時佢問了知道已過了用藥的黃金72小時, 所以唔差一兩日, 亦待紅疹呈現差不多確認係生蛇才開藥(佢話星期二望見尐疹時驚有可能係敏感)。
開藥之後, 還特別交帶, 若覺得隻眼好紅好痛, 就立即返嚟, 要轉介去眼科專家搞的, 所以星期六隻眼唔痛乜滯(但紅), 都去畀佢睇多次。 :P
可能自己比較忍得痛, 又或者病情不算好嚴重, 瞓覺又影響唔到痛處, 所以冇食過止痛藥。
刪除隨著這一兩天紅疹變暗慢慢消退, 水泡又開始結焦, 現在已無咁痛, 係那種皮膚繃緊的感覺, 不過稍後好番都要脫一層皮的了。
據說稍後皮膚好番, 有尐人神經痛方面都會持續一段時間的。不過此乃後話了...