冰箱。自首。飽餐

嚴寒一週

明天星期三最凍

今、明兩晚半夜可能凍到 -20幾度

特別摷了兩件重型裝備出來

其一  ~ 買了未戴過

其二  ~

呢件連帽大羽絨是移民前特意從香港買過來的一批衣物其中之一
過來之後大槪僅穿過十零次
近年束諸高閣

因為件嘢 "非同小可"
穿住在室內郁幾郁或是食嘢...
會覺得焗到週身發熱甚至出汗的 ~ "非除不可"    ^-^

在這非常時期(外面極凍、自己甚虧...復被大人吟噚...)
不得已都要拎出來 "應付一下場面" 了...   :-D

烚烚下、噱噱地的...熊...樣  @-@

----------------------

昨天一早未夠鐘已掛住打電話約期睇白袍老友
醫生太都特別早返聽電話
打了兩三次唔通

終於...而且居然即日有得睇

"11:15AM 嚟到得唔得?"
"得...得...得..."

自首...

"早七八日感冒發燒...食緊一劑珍藏的抗生素(拎埋未食晒樽藥去...)"

"食咗幾耐? "
"成劑食緊...還有一日藥"

然後例牌照喉、聽肺、摸頸...
"有冇抖唔到氣...呼吸困難? 有冇痾嘔肚痛?...
個肺好清吖...有尐淋巴腫脹...食晒藥都要三四個禮拜尐腫脹先好得番晒..."

"哦..." ~ 心安理得...

想攞番劑抗生素睇門口(從不同渠道知道多數唔會畀...)
" 唔好罅...唔係唔想畀你...
政府近來監察使用抗生素甚嚴以防濫用及造成抗藥性...
我最近都曾經被抽樣睇嚟...話我開得抗生素多畀病人...
而且...有時等自己身體同佢砌下都好架..."

白袍老友解釋一輪...搞到我自己都唔好意思...忙不迭說...
" 明白...明白...若果唔係要等一個星期咁耐先有得睇 ~
捱多兩三日就有得睇我都嚟睇咗先睇吓使唔使食抗生素 "
今回輪到白袍老友說... "明白..."   :P

終於攞唔到個橙...攞得個桔 ~ 咳水一樽
(真係覺得尐咳水幾好味...或者我已經如某君所說的有濫食咳水癖好的傾向咯...)

----------------------

劑藥及不適已近尾聲
胃口漸復

昨晚去另一間食肆食蒸魚

幾乎例牌 ~ 一條蒸魚 + 一個餸添

豬潤啫啫雞煲

大人食蠔仔粥

我自己獨力以赴

兩日前出現的近期新低
今日由谷底回升多少