結婚喜酒飲罷, 三天之後又去吃姻伯的壽宴。事前特意買了個靚靚的主題封套...
圍內吃飯, 大家可以略不拘束。幾位姻兄弟不時過枱熱情勸酒、以至鬥酒..., 隊來隊去, 場面喧鬧得很。杯觥交錯之下, 連我也要開禁(...藉口!
), 盡了兩杯紅酒以及二指之量的日本威士忌....; 比在婚宴那餐喝得還多。嘿嘿, 至多就拚教腳痛吃藥罷... 六道菜式：高湯鳳吞翅、脆奶帶子、扒大海參、干煎龍蝦、燒乳鴿、蒸大青班。
(同席坐了幾位自己不熟的賓客, 因此沒有逐樣菜式影相; ...網友發揮自己的想像力好了...
)
我無乜想像力喎...不如你食多次影番比我地睇啦...
回覆刪除[版主回覆04/17/2010 10:21:00]see if you can read the following codes ... hqi klg cnlh cnlh yphen bq sevif q jhxf llhe, vnd toog hghu uu mgln m owjr jnd , hshml vio bq oiar grmbc mrsqf qmn ...
你話: 我在弟弟處用緊手寫版,好難先出到一個字所以用倉頡碼打... 介紹你用呢個網啦...有四種輸入法可以用...去到邊都用得...打完copy and paste 就可以... http://www.cantoneseinput.com/
回覆刪除[版主回覆04/17/2010 13:35:00]回來了... 資優即是資優, 話頭醒尾, 唔會醒過隔離... 不過, 我諗你或者都不能 望 碼識字, 要打一次出黎才知係乜字?! 謝謝所提供的輸入法網址, 到時記得個名入去打就方便好多...。 至於話食多次影番畀你地睇, 那要等我有機會做大壽之時, 或中了649先!
又有得飲吖,咁場合影相係有點怪嘅,影得多我現在都少影LU.
回覆刪除[版主回覆04/17/2010 13:50:00]假若同枱全部都是兩個家庭的自己友, 都冇所謂的。 而且現在所謂稍為高級一點的飲宴, 都時興分菜, 不會整碟菜放在桌上, 至多拿來畀你望望, 然後在別處分好一碟碟, 才放在客人面前, 要影就比較麻煩。
飲讌對酒，同喜同喜，大家高興起嚟，唔飲＝唔俾面。學您話事計＞腳痛就吞丸仔囉。 乾煎龍蝦。
回覆刪除[版主回覆04/17/2010 23:05:00]說到底都是自己 "攞嚟" 的 ; 唔飲酒者, 他們當然不會強人所難而灌酒, 以茶/果汁代之亦一樣咁高興。不過正如你說, 在此場合, 飲開的何妨隨喜同喜, 放肆顛番一次... 乾煎龍蝦味道幾好, 只是龍蝦肉略少啫...
當然係要打出嚟先知啦...我無你想像中咁資優...我資質好普通架咋.... 咁希望你快d649啦...到時記得喎...(你無話中幾多架...3個都要.... )
回覆刪除[版主回覆04/17/2010 23:19:00]謙遜的人是有福的... 中齊6個字就會整一圍慶祝吓... 中3個字, 我會留意那裏有飲宴的菜色扭蛋, 看看有沒有上述幾款, 盡量去扭齊六個, 以滿足MISS目食的訴求... (結果可能貴過真係去食一圍 )...
日日有食神
回覆刪除幾好吖
一吃喝多就腳痛
咁真喺要多保重囉
[版主回覆04/17/2010 23:33:00]辦完喜事未啊? 飲新抱茶好過飲酒多多喇... 痛風乃不治之症, 饞人為食, 精粗不拘, 總以好食為先而莫理戒口之誡, 因此注定餘生難免腳痛纏身的了...
冇得目食，唯有讀食﹗
回覆刪除[版主回覆04/17/2010 23:42:00]可惜文字表達能力差勁, 未能引領網友進入 "幻食" 的境界...