今早晏醒。
外面陽光普照, 天氣和暖。
先往茶餐廳食早餐...
商場距居處車程不足一小時, 原來並不太遠;
現在是上午11時...
商場頗大, 水牌密密麻麻
不停地行著、行著...;
在店舖捐出、捐入......
大人一馬當先, 我就時上時落; 有時並肩拍跳, 有時緊隨其後...
經過這間門外, 驟看店名, 直覺是 "有冇搞錯? "
再看清楚, 哈, 原來自己先入為主, 眼大睇過矓; 想歪了
......
FOOD COURT; ....行多一輪之後...
攰死人, 抖抖兼夾開餐。
一啡兩(個人)飲...
二人份(牛肉+雞)
...行行重行行...
諗起年前常去釣魚樂, 冇收穫!
魚池的RAINBOW TROUT(魚身中間有條粗紅線)有大有小...
此條至大, 長約二呎
大人今次不致空手而回咯
返抵家門...時維下午六時零五分。終於鬆一口氣!!
行足一日，淨係大人有收穫咋？你自己有冇呀？
回覆刪除[版主回覆03/17/2010 12:24:00]係咁意同我執左件減價的月下貨(純粹貪平)... 我過來十多年, 平時在這邊真的買衫不多(除了最內面的...), 根本唔需要。移民那時已經買了不少過來, 其實唔駛返工的日子, 根本著唔通的, 好多時來來去去果幾套更換已經夠著一整季, 有好多衫買了過來後根本未著過 。 這裏的衣服相對比香港貴得多, 質料普通到唔恨(可以話渣!!)的都貴到C, 稅又重, 唔減價減得多我是完全唔肯買的。 今日在商場的高檔商店, 見到一些歐洲入口的恤衫, 質料固然幾好, 不過標價居然動輒是加幣逾千元, 黐線, 搶咩?!!減價三幾百都要8/900元。加幣嚟喎, 大佬, 1200蚊近萬蚊港紙, 恤衫嚟咋! 著左上身會飛咩?
OH! .....FCUK ! 乜咁大嘅咩? 可以行成日........!!!
回覆刪除[版主回覆03/17/2010 12:32:00]安排F餌, 箭豬睇到實蒲頭... 行行企企, 揀吓試吓身, 不知時日過者也。此中樂趣, 令好些女士樂而忘走的!!
聽落又真係幾貴！咁你幾時返香港買定啲返去？商場咁大，我見到都頭痕！因為我都好怕行商場，雖然我喜歡逛街，不過係逛街市或市集之類較有特色的舖仔，如果行商場，好似間間舖賣啲嘢都差唔多，冇乜好睇！就好似舊年10月同泠泠、細妹到馬來西亞，最怕就係行商場，佢哋睇衫、睇鞋嘅時候，我就行行企企唔知做乜好！
回覆刪除[版主回覆03/17/2010 18:51:00]哈, 今日行得太攰, 又忘記校鬧鐘, 下午市都唔知醒... 心目中若冇野買, 我都不喜歡行商場, 尤其假日...。不過大人要返工, 少不免間中要換季裝身, 都要車佢去, 有時佢又要問吓意見...。
中咗計 ????? !!! >>>>o<<<< !!! ?????
回覆刪除[版主回覆03/17/2010 18:52:00]別來無恙?
女仕樂趣此中尋 . 男仕陪跑好頭痕
回覆刪除我家定明好規矩 . 情緒雙方可平衡
每次毋逾個半鐘 . 選購意見極留神
九十分鐘若超過 . 行動緩慢两腳伸
倘還繼續不停步 . 擇日鴨記行一運
爛銅舊雜睇成日 . 包單眼淚流濕裙
[版主回覆03/17/2010 18:53:00]今日行咁耐, 都係比較罕見的
我無乜興趣行街shopping... .....不過望埋去個food court好似都幾多人咁喎...
回覆刪除[版主回覆03/17/2010 18:57:00]今天祇是學校假期, 而非公眾假期, 都咁多人... 星期日呀, 嘿嘿, 可想而知; 常視為畏途!
唔喜歡血拼，唔享受、也唔習慣，不過，有時踫到大減價，會一次過買幾對鞋、幾套衫、一打內衣毛巾等等，日後慢慢著，唔洗煩，同去超市買日用品原理一樣。
回覆刪除[版主回覆03/17/2010 19:03:00]就算自己用的, 我都怕買野、揀野..., 覺得幾煩; 所以最好係買D(手禁)用(手禁)著的, 買一次, 雖非永逸, 希望有排都唔使再買!
嘩!喱個飯盒啲飯似乎好硬,加拿米係咁,長長了了咁?
回覆刪除成粒鐘至去到都幾遠,唔行番日似乎唔抵咁啵
[版主回覆03/17/2010 19:19:00]加拿大並不產米(玉米就多!! ), 白米都是入口的。我喜歡食硬飯的。 以我們平時的活動範圍來說, 這個商場算稍遠啦...
金兄請問你响邊度住....??
回覆刪除我去北河街海鮮檔要買帆立貝, 20蚊得六隻. 我話乜咁貴? 人地買十幾隻先係 8蚊... 佢叫我穿膠花......!!!
Nice shopping mall! The booth at the food court are very special..what did you get? Nothing??
回覆刪除[版主回覆03/18/2010 03:52:00]哈哈, 大人同我執了件減價的外套...
個店名好攪笑，欠缺一隻中指。 閣下潤人都好有品，只喜歡食硬飯。（軟飯＝由女人養） 三SPRIT嘅Ｔ恤我都有幾件，蹉街着。 陪亞太行成日，只可以在此欄呻＞攰到死。
回覆刪除[版主回覆03/24/2010 11:32:00]相信該店亦是刻意誤導, 意圖引人注目。 哈哈, 那種另類軟飯我根本無本事食啊, 總廚! 平常餐頭我真是喜歡吃較乾身的飯(當然不是生米囉!), 是那種一粒粒的蝦仔飯(尤其炒飯!!)。至怕是水稍多煮得爛爛的那種, 食落覺得很難吞似的。 至於潮州粥、廣東粥、有餸爛頭飯、糯米飯等等, 卻都OK!! 當日我都有喺大人面前呻攰, 佢亦有叫我不如坐響度等佢...
在香港或郵購歐洲或美國品牌衣着，好多由中國或東歐或南美或越南或泰國製造。
回覆刪除[版主回覆03/24/2010 11:52:00]美加賣的以普羅大眾為顧客對象的本地品牌衣服及其他用品, 絕大部份都是你所說的那些地區製造的; 尤其是大陸, 相信應該稱冠! 此所以是矛盾所在, 美國許多廠家喜歡中國(嘿嘿, 不過是唯利是圖咋喎!!), 美國政府又說中美貿易存在不公...; 唉, 總之各有各講, 糾纏不清...