後記(20日)：
與一眾新知舊雨在此閑話家常已有好一段日子。向來率性妄言, 笑談戲謔, 有時難免逾度, 豈有不知; 無奈素性慣了如此。還好網友不以為迕(?
), 依然會閑步進來, 回應幾句, 慰藉遠方遊子, 為平淡的異邦退休生活添上幾分煦煦暖意。
), 依然會閑步進來, 回應幾句, 慰藉遠方遊子, 為平淡的異邦退休生活添上幾分煦煦暖意。今次無聊提及自己生日, 令這個生日祝福滿瀉, 實在非常感謝網友的心意。
...不禁想到在多年的碌碌生涯當中, 有幸消受了不少淡雅誠摯的情誼...
--------------------------------------------------
今晚大人請我食飯...
因為全部自己友, 不知客氣為何物, 慢吓手就會執輸, 冇機會施施然逐味影相......而且菜式都一般普通；所以.....
好頭好尾算罅!
好頭好尾算罅!
吾侄愛片皮鴨、大人愛魚露雞; 又要惜住大人荷包, 揀來揀去, 叫個平平地套餐...; 不過, 驚人多唔夠食, 另加多一條骨香龍脷球...
哈哈...咁又老一歲...
大伯生日快樂~呢餐抵食得黎都好豐富喎
回覆刪除祝你年年有今日, 事事得心應手, 最緊要身體健康~
[版主回覆02/19/2009 18:28:00]多謝多謝!! 哈, 後生女果然身手敏捷, 搶到個第一...
生日快樂
回覆刪除[版主回覆02/20/2009 00:39:00]多謝!
桃桃包…正啊…啊大你生日啊…生日快樂啦…
回覆刪除[版主回覆02/20/2009 00:40:00]多謝, 請你食個壽包咯...
生日快樂呀...大伯!! 祝你福如東海,壽比南山....
回覆刪除[版主回覆02/20/2009 00:42:00]多謝, 好似你快樂D咁喎.. . 事頭婆又執我幾千分咯...都唔俾面壽伯...
大哥 ~ 生日快樂 ~
回覆刪除~ 身體健康 ~
~ 雀開得勝 ~
~
[版主回覆02/20/2009 05:31:00]多謝! 呵呵...真係希望身體健康D先得嘞...
Happy Birthday to you!!
回覆刪除[版主回覆02/20/2009 09:05:00]謝謝啊!!
遲來的祝賀，恭喜恭喜。
回覆刪除[版主回覆02/20/2009 09:06:00]唔遲...唔遲, 多謝晒!
生日快樂﹗擺左幾圍呀﹖
回覆刪除[版主回覆02/20/2009 09:48:00]多謝! 自己屋企人之嘛, 一圍枱坐晒!! 哈哈...等埋吾爾開稀先請...
遲咗d......祝你生日快樂!
回覆刪除[版主回覆02/20/2009 09:40:00]多謝MISS, 昨晚食左一隻, 今晚再黎一碟呀...呵呵! 呢碟重靚過昨晚果碟添喎...!
大哥：生日快樂
回覆刪除請你飲茶
[版主回覆02/20/2009 10:08:00]哈, 心花願常開, 歎茶暖意來...多謝...多謝!
遲左添! 都要講番句先 :
回覆刪除生日快樂!!!身體健康!!
[版主回覆02/20/2009 10:09:00]點會遲呀...多謝師太!
大大生日
回覆刪除齊齊快樂
派派紅利
袋袋平安
[版主回覆02/20/2009 10:11:00]佢地三個就快樂, 我個BAL就快落...
祝賀你 ~ 生辰快樂
回覆刪除祝福你 ~ 身體安康
祝壽你 ~ 福如東海 壽比南山
祝禱你 ~ 如月之恒，如日之升，
如南山之壽，不騫不崩。
如松柏之茂，無不爾或承。
[版主回覆02/20/2009 10:35:00]嘩, 貓姐...勁呀！...真係...善頌善禱! 多謝啊!
我聽日响尖沙咀星光大道隔洋為你唱番隻生日歌 兼
回覆刪除為你两公婆唱隻貓王嘅 :
CAN'T HELP FALLING IN LOVE Wise men say only fools rush in But I can't help falling in love with you Shall I stay, would it be a sin If I can't help falling in love with you Like a river flows surely to the sea Darling so it goes Some things are meant to be Take my hand, take my whole life too For I can't help falling in love with you
[版主回覆02/20/2009 10:47:00]哈哈, 呵呵, 如此別出心裁, 隔洋多謝心意咯! ...萬里傳音, 我同大人感領歌意...!!!
哈, 原本想出呢個先嘅 .... 一時唸d又唔記得, 咪臨時出住蛋糕頂住先, 下回補上 lo !!!
回覆刪除[版主回覆02/20/2009 11:21:00]總之......多謝啦!
原來生日，唔怪得之網雀大派開心錢啦﹗
回覆刪除[版主回覆02/20/2009 11:40:00]至開心果個係你丫嘛...
原來你生日呀.... 早響啦﹐等我鬆D章比你當做賀禮.....
回覆刪除HAPPY BIRTHDAY!!!!!
[版主回覆02/20/2009 12:21:00]多謝...你唔食我出銃三元已經執到罅; 講番起黎都係同你相公打好玩D...
你依嫁知多多扣牌厲害呢!
回覆刪除[版主回覆02/20/2009 15:18:00]厲害的確厲害...不過我唔信邪, 遲早返香港同佢鍊場真雀...!!
祝大哥生日快樂!身體健康!!!
回覆刪除[版主回覆02/20/2009 15:27:00]多謝!!
千祈唔好。。唔客氣。。。。。。！！
回覆刪除熟還熟，得罪我之言詞，已經一一紀錄在案。日後牙還牙， 眼還眼。
一件唔會少！！！
[版主回覆02/21/2009 07:22:00]彼此, 彼此!
大左一歲啫,做咩咁大感觸既??...
回覆刪除[版主回覆02/21/2009 13:17:00]你條片目前得果50呎, 我果條片就已經成100呎咯, 有時回片睇番轉頭, 舊事紛至沓來......, 自然多D感慨囉!
一個人在寂寞無聊時就會有回想或感慨架,你打呢段野時係咪咁呀?.... 點首歌你聽,聽完可能多少少感慨添既..
回覆刪除[版主回覆02/21/2009 18:30:00]多謝點唱; 後生小子居然也講感慨呀吓?! ...我打親野都係一個人 "寂寞無聊地" 坐在電腦機前架啦... 小鳳姐也唱... ...日子匆匆走過, 會令我有百感生... 人說無病呻吟, 何況我真係有D唔多舒服呢...
禽日有百幾人同你慶祝生日。
回覆刪除[版主回覆02/22/2009 13:22:00]多謝呀山兄 , 隔洋發音波功同我慶祝生日...昨晚有冇唱到聲嘶力歇呀? (你喺咪真係講明話同兜加國儍佬唱生日歌...? ) 哈哈, d fans捧你場, 你讓我叼光, 雖不在場, 但衷心感謝心意! 希望很快有機會往星光大道探你班啦...
我有話我有個網友生日，我响度同佢慶祝，唱两隻歌俾佢。。。跟住好多人拍手同一齊唱生日歌。 貓王果隻就好多人跳舞。有两啤重係外國遊客添！。
回覆刪除[版主回覆02/22/2009 22:11:00]咁大個...人(唔好意思 "仔" 咯! )未試過如此大棚人同我唱生日歌(其實連唱生日歌都少! )...重係素未謀面的人添; 好在隔洋發功咋, 若我在現場實怕醜架...哈哈...!
好嘢有壽包食，祝你生日快樂！
回覆刪除[版主回覆02/23/2009 09:35:00]多謝啊, 呢排你好忙咩? 完全無新野...
揾到一個志同道合嘅退休人仕(我就在職) 逢星期三响天橋賣唱.
回覆刪除捐助食物銀行. 上星期試唱一小時, 有329.50.
[版主回覆02/24/2009 10:07:00]乜你現在仍然 "在職"架 咩? (退休再下海還是義工?) 離開痕身(退休?), 而家又去渣兜......賣藝? 會唔會俾販管隊趕架?? 噫, 幾好成績喎; AO仔咁時薪...! 咁...你點保養條聲帶呢?
分別有差人同小販管隊經過, 望咗一眼, 冇事!
回覆刪除把聲唔駛點保養.因為唱歌發聲方法及跟講嘢完全唔同.
抝咬两分鐘就沙晒聲, 但唱就可以連唱十個鐘. 我平時演出都六個鐘冇停.
離開痕身係創業.＋年後變枯業. 而家係二工......打老細工及另外同我合份做另一行, 亦容許我工作時間去打理.
回覆刪除[版主回覆02/24/2009 10:50:00]創業艱難啊......人只見一將功成...其實萬骨已枯! 咁你兩賓主玩晒啦...大家唯威畏! 咁多瓣數, 你咪豬籠入水囉....
四年冇加人工.......仍然二萬五.....!!
回覆刪除[版主回覆02/24/2009 12:10:00]哈, 晒命...!!
唔係晒命..........係風乾..........!!
回覆刪除11歲做嘢, 今年60.....平均每年衹加500蚊!
回覆刪除[版主回覆02/24/2009 12:57:00]11(!) 歲時(1959?)有500人工, 洵屬高薪一族, 翌年重多一個開, 有成千蚊, 嘩, ... 果陣你唔係身在泰國撈HAWA...
舊曆先係60. 新曆係講粗口. 讚人老實咁解!
回覆刪除果時學師洋服....每月60 大洋.....朝八....朝二......洗地..做飯..學師一腳踢!
[版主回覆02/24/2009 16:04:00]呵呵, 山兄咁咪即係59..(5要拉鼻音架? ).! (咁係讚定鬧?!抑或只是道出事實...) 50年代一般家庭生活環境仍是比較艱難; 自己比較好彩, 老豆捱晒頭家, 可以讀埋中學先出黎搵食。
出道年份係 5 9 . 做到家陣伍拾玖
回覆刪除四拾玖年混渾過 . 企街揸兜唔 0 9
[版主回覆02/24/2009 20:35:00]山兄天橋賣唱捐助食物銀行... 心體澄徹, 常在明鏡止水之中, 天下自無 噴漆 之事 ; 意氣和平, 常在麗日風光之內, 天下自無 戇久 之人 。 (註： 取自菜根譚 )
我都來答咀補唱Hap~~py Birth~~day to~~ you
回覆刪除[版主回覆02/26/2009 01:40:00]嘩, 失踪人口竟然再復蒲頭, 實在意外啊... 自從你壞機之後, 久違逾年咯喎...! 多謝晒先, 稍後去你度探你...
我及我的家人今天起
回覆刪除絕不購買任何法國貨.!.!.!
[版主回覆02/26/2009 16:44:00]你差少少投唔到兩件國寶, 所以發爛渣?
國家唔同佢做大生意. 我唔幫襯佢做小生意..!
回覆刪除[版主回覆02/26/2009 17:18:00](利益申報：我似乎無乜用法國貨, 尤其係D虛榮物品) 嘿, 若非風流總統早前禮待達賴, 辣着死穴, 我諗中國在這事上無咁勞嘈! 你我雖未逢戰亂, 都知道日本仔侵華掠財害命還少? 又不見佢地...... 連對個釣魚台的主權都軟手軟腳, 瑟瑟縮縮, 糾纏咁耐...
國寶都係其次. 佢地要脅干預國政. 市井所為.不值得尊重交往.
回覆刪除[版主回覆02/26/2009 17:32:00]呢樣就唔止法國佬罅, 大把西方國家經常指指點點... 國際政治形勢複雜...眼見近年大國崛起, 招忌玩些小動作企圖制衡, 合縱連横, 何足為奇...在政治家眼中根本無是非之分, 只以本身利益為重...