日前太座放工由同事順道送往做美容，約好完事接她吃晚飯。當天午餐簡單，隨後並做了一輪運動，未到晚飯時間已感肚餓，饞蟲蠢蠢欲動。自覺狀態大勇，終於忍不住又去吃了任食火鍋！
在家打邊爐必以靚牛肉和大青班為主角；外邊任食火鍋則可以多嘗其他滋味，各擅勝場。
想吃任食火鍋，多數幫襯此店。
入座不久，不意碰到王亭之與幾個徒弟亦來光顧，是亦緣也！
大家可認得亭老？
任揀、任點、任食
上方一碟海鮮食料到奉，無得再添，其餘就任食；今次牛肉未見佳處,
只吃了兩碟；醉雞翼酒味濃郁, 相當出色！
自製(?)三丸(豬肉丸、牛筋丸、墨魚丸)和雲吞水餃俱是鎮店之寶
玩完先食，小紙袋魚麵自己落手 "唧"
蠔隻肥美，大人一向敏感無福消受，饞人盡啖兩隻；紙袋開口太大，致魚麵稍粗，口感則仍煙靭。
糯米飯賣相不差，可惜食落外層飯粒略帶乾硬，想是在廚房不停加熱，
慳功夫之過。
鍋分兩邊，習慣一邊用作滾淥油多食料；另一邊放菜, 以免混雜而吸油太多。
甜品燉蛋及芒果布甸，一熱一凍。又是豐足感恩的一餐!!
送酸梅湯一杯 , 似乎寒酸了一點 .
回覆刪除啤酒呢 ? 請問幾錢一支 .
成人每位十七元 , 都幾抵食 .
[版主回覆03/29/2008 19:19:00]本地啤3個幾一枝, 入口者要4個幾; 呢邊多數興細啤。 任食火鍋大約都是16、7蚊這個價錢，不過呢間D食物較佳，所以相當旺場。哈哈, 一杯酸梅湯真係唔夠喉的。
明明寫 著16/per head, 點解東東話17呢﹖ D蠔睇上去真係好大隻﹐ 唔錯﹐ 但係好似無乜菜咁呢﹖
回覆刪除[版主回覆03/29/2008 19:31:00]正確應該係每位$16.88, 差不多$17啦。 我地要芫茜皮蛋湯底，有頗多芫茜。另外還叫了兩轉西洋菜, 因為幾嫩滑。加埋D冬瓜、蘿蔔、金菇、磨菇...食到咁上下, 連生菜都唔駛叫咯。
做乜食糯米飯咁蝕底﹖
回覆刪除[版主回覆03/29/2008 22:37:00]飯桶黎嘛, 飽都要食幾啖飯先舒暢! 而且就黎米貴咯......
今明兩天睇怕又係family day 耶﹐ 玩得開心D呀﹐ 若果去D乜野有趣既地方﹐ 記著影相呀﹐
回覆刪除[版主回覆03/31/2008 08:31:00]
做乜叫你影下相﹐ 你起到扮灑野咁呀! 相信你果邊家陣都無咁凍﹐ 應該會有另一番景象﹐ 係咪呀
回覆刪除[版主回覆03/31/2008 14:41:00]係呀, 係呀, 而家似乎有少少初春氣息, 遲DD......
王亭之？靠牆坐果個呀？細個果時成日都睇佢寫果 d 專欄，過左咁多年，估唔到老人家依然健在喎！
回覆刪除[版主回覆03/31/2008 14:39:00]圖片右 "邊"、戴眼鏡、(手查)筷子、頭擰向左、頭髮灰白果個。佢而家仲腰挺神足, 唔知係咪修練密宗之功? 早年移居夏威夷, 之後又黎左多倫多。佢仲鬼咁好火, 有時喺呢度報紙同電視台猛GUT何博士亂咁 "正音" 。
回覆刪除成 17 蚊，已經百三四，仲駛唔駛加稅加一之類？都幾貴下喎！點解 d 糯米好似煲粥 d 珍珠米咁款 o 既！
[版主回覆03/31/2008 14:58:00]見呢邊D糯米都係比較短身而圓, 似我! 哈哈。 $17另加稅13%(以前15%，近一兩年政府減左2%)、加一小費, 再俾多小小找續零頭, 每人消費圍成$21架喇。早幾年若果在六點半前結賬(4:30開檔), 有八五折, 時間啱晒我地, 接大人放工就去食, 早D食完可以隔耐D先瞓, 或者番黎做吓運動添。呢兩年冇左樣野。
成百七銀！食唔過！你都係快 d 訂機票十月返黎，秋風初起，南番順好多正嘢等住要處置！
回覆刪除[版主回覆03/31/2008 16:50:00]有機會返黎就一定同你一齊去食番夠本.....噫, 真係要認真諗吓天冷返一轉先得, 多好多野食。 呢轉或者等埋你長嘆果時啦, 到時大人又可能冇得撈, 咁大家自由身, 易話為好多。
果然係老而堅亭喎！仲係咁好火呀！何博士者，何文滙？先幾年搭 10 號巴士成都遇倒佢。
回覆刪除[版主回覆03/31/2008 16:53:00]係。佢講到好慶架。
呢位何文 滙博士學易經個喎 .
回覆刪除聽聞道行很不錯呢 .
[版主回覆04/03/2008 09:54:00]何博士D易經道行我就不甚了了, 不過佢(口既) "正音" 喺香港就頗有市場。根據佢D正音, 恐怕我幾十年以來, 差不多句句說話都有字讀錯音!
法師, 你問 點解 d 糯米好似煲粥 d 珍珠米咁款 o 既！ 今日去開超級市場, 見到D糯米一袋袋透明膠袋庄, 一粒粒又圓又短, 原來係美國產品。
回覆刪除阿大﹐ 你呢兩日有無拿拿聲寫番十篇八篇網誌耶﹐ 情人等你出新blog
回覆刪除[版主回覆04/03/2008 14:04:00]你就易流流慣左一日一篇啫, 我大腦閉塞, 人又遲鈍, 好難先咇到一篇架。不過真係俾你催逼到暈咁滯, 遲吓若果有料, 希望可以出到新野啦(四月份之內! ?)哈哈。
今日成個下畫都入唔到blog耶
回覆刪除[版主回覆04/06/2008 02:41:00]所以早前都費事試囉!
Toronto got the best Chinese food on the East Coast!!
回覆刪除[版主回覆04/06/2008 02:46:00]近年呢處中式食肆愈開愈多, 有些水準不差。不過競爭厲害, 一鷄死, 一鷄鳴咁囉。喺多倫多搵食你都係識途老馬咯, 係嘛?
亞大，嘩！開大餐呀？近日同影子施主去咗英德玩兩日，雖然花又影唔到，出名嘅清遠雞又食唔到，但係反而玩到ＤＤ相，我地亞sir六月會再搞旅行，到時希望可以去到啦！香港近日Ｄ米俾師奶搶到斷市，我都不明白點解中國人總是有呢Ｄ走難基因，俾佢搶到十包、八包返到屋企咁又點吖？到頭來咪係食唔晒變咗然後浪費，香港人咪儍啦，睇怕餓死中國Ｄ人都未輪到香港啦。係咪？
回覆刪除[版主回覆04/06/2008 03:03:00]哈, 普通料啫。 你地跟阿SIR去主要係想玩影相, 影到乜咪乜, 隨緣囉。 一窩蜂去搶係香港人慣性如此(自己都係香港人, 哈哈), 果年實施聯繫匯率之前, 港幣勁跌, D人去超市搶廁紙呢。 米都話要食, 驚食費米(唔係食塞米丫嘛? ), 廁紙都搶......香港人的 "危機意識" 盲目亂用一通, 經常十分搞笑, 也為之脹然。
I used to come visit Toronto every year! From my house to Montreal is 7 hrs, to Toronto is 11 hrs....I like driving up to Canada, especially in the Fall...Beautiful sceneries and so clean comparing to the US!!
回覆刪除[版主回覆04/06/2008 11:39:00]噫, 你是否住在大西洋城? 由你度上滿地可仲近過多倫多架咩?! 我雖然在多倫多住左十年以上, 不過唔識路, 無方向感, 又怕睇地圖搵路, 所以未試過自己(手查)車穿州過省 。去旅行就跟團，試過(手查)過去瀑布同遠D幾個鐘車程的埠仔行都係跟車, 前面有人帶路。 我也覺得多倫多最佳風景得二樣：夏天就去睇瀑布; 秋天就去賞楓; 其餘睇唔睇也罷......食才是正經!!! 你上黎睇吓有冇機會一齊食餐? 哈哈。
PS 我住在士嘉堡的。
回覆刪除呢兩日唔係上唔到網﹐ 就係忙到無乜時間上間﹐ 阿大你今日又同家人去邊鼠威耶
回覆刪除I have been to scarsburg before, nice area!!! I am not in Atlantic City, I live in Connecticut, very close to the Mass border!
回覆刪除[版主回覆04/08/2008 09:44:00]哈, 得閒等我睇吓GOOGLE地圖(?), 先知係邊度附近...。