八月十日的中午時分，在風風雨雨中踏上歸途。當日早上圖書館上網服務預約告滿, 未能臨別作最後一UP, 終要帶着多少遺憾和不捨啟程。早幾天以為風伯過門不入，只遣來雨師相送，預期搬行李雖然狼狽難免，尚不致延誤航班。豈料柏布存心戲弄，忽然回頭一笑，臨門還要營造少少虛驚，更勞網友關心垂詢。
事前為要在飛機上消磨十四小時做足準備。不嫌重甸甸的隨身帶了舊同事送的厚本財經新書；在機場自己又隨意買了份財經周刊和給大人買了份八卦周刊(兩者俱是上機半價10元足本，幾大本圖文並茂, 用來殺時間算是超值!!)；連同在機上看了兩套電影、拖慢 “享受” 途中三餐水準欠佳的飛機餐、不時離座在通道活動以及去去廁所……好不容易才捱到飛機終於降落在香港以外另一個自己熟悉的機場。
這次在香港逗留了差不多七個星期，是移民後返港之旅當中，感覺最忙碌充實、玩得最開心熱鬧、吃得最痛快過癮的一次。有瀏覽大家網誌的網友或者都知道，是幾位雙重身份(既是網友，又是同事（或行家）；而其中的牽頭搞手──法師，卻是我退休離港前根本尚未認識的，這豈非異數？)和一班之前素未謀面的網友，在返港前後給我們籌劃安排許許多多節目和活動，方能編織成一個如此繽紛多姿之旅，帶來了不少歡樂時光。留港期間的各項節目活動詳情，幾位網友已分誌其盛，於茲不贅。總之太座和我在這裏要衷心再次多謝大家的熱情和真誠款待，亦有幸認識一班如此玩得的網友，希望後會有期，遲些再有機會在香港或加拿大與各位見面！！！
其實我都好開心透過 Blog 認識到從不相識既法師 ，再而透過法師認識到你， 果兩次四方城聚會確實係一個好開心、好令人難忘既影晚上 。我兩次都未能同你同檯 ，正好留下一條尾巴有待將來你再次返港，又或者我地成班過黎探你時再決一死戰啦！ P.S. 近排香港股市好動盪，小心小心！
回覆刪除終於返到自己屋企.
回覆刪除華華姐, 兩次雀仙大賽你都唔夠運, 致空手而回; 憑你縱橫雀林的牌章, 實在可惜啊!平情而論, 除我之外(哈哈!), 你應該是最有實力和我爭冠的熱門人選嘛!!!現在搞到要在網誌聲明戒絕親近144, 未免令人氣餒, 咁我咪變左獨孤求敗???講笑的氣話 咋HAWA...,
回覆刪除哈, 馬克哥, 你都得架嘞, 竟然吼我走左先咁口響下戰書......; 也罷, 來日方長, 等你儲多D錢先劏...... 股市大上大落, 危中有機, 大家都要執生!!!
回覆刪除搭十零個鐘飛機有得食有戲睇，你就哦哦聲，點同你返大陸蒲呀！返親去神州遠 d 地方，除左來回兩程飛機之外，大都係要用路面交通，短就三四個鐘，長起黎十零粒鐘都閒閒地，果 d 卧 鋪車困響 2x6 呎床仔度大半日無乜得郁，咪仲辛苦過坐飛機多多聲！不過你無心旅遊就無乜所謂啦。 講開食野，同 d 唔啱咀型 o 既人去食總係要就住就住，響呢方面我地都算得上十分投緣，大家食得開心，玩得盡興，人生夫復何求？
回覆刪除法師, 我怕坐長途機, 其來有自. 我諗主要係兩個原因, 一是位窄, 一是時間長. 經濟艙位好逼好窄, 雖然現在已經"比較改善少少", 都令人坐得唔舒服, 郁不得其正, 時間愈長愈甚. 所以一向我訂機票時盡量預早劃位, 一定要揀路口位, 方便出入. 自己係機甚少瞓得著, 成日要 "站出來" 抖吓行吓, 個人先冇咁焦躁. 94年(?)首次遠遊美加, 一方面探弟弟, 一方面為申請移民 "舖路" (哈, 順道睇左一場世界盃, 捧巴西!). 94-00年間不停往返港加, 早年為左累積里程積分坐開西北航空, 要轉一兩次機, 計埋等轉機, 一程試過坐左23個鐘有多, 不知幾痛苦!! 年前坐得密時, 試過被航空公司UPGRADE坐商務/頭等位, 感覺就好好多! D位闊十吋八吋, 係長途機來說, 真係差好遠. 坐旅遊車D位濶落舒服好多, 感覺點都有坐飛機咁辛苦, 而且旅遊車通常幾個鐘會落車抖抖...
回覆刪除更正: 尾二行 "感覺點都有坐飛機咁辛苦,", "都有" 應為 "都冇" 之誤.
回覆刪除(續)
至於你話大陸旅行瞓果D卧舖, 據說分幾層(?), 若然, 我諗我就多數頂唔順..., 如果瞓係中間果層, 咪好有壓逼感? 我怕辛苦, 而家年紀老左更加, 所以大人以前去D甚麼歐洲背囊團, 我都敬謝不敏, 鼓勵佢同同學朋友去 ...., 雖然自己唔ENJOY, 不過都好佩服D人咁樣玩法, 有D仲玩個幾兩個月咁耐...
若要旅行, 我諗坐十天八天遊輪會是我現在的較佳選擇, 有得食(任食喎!), 唔會好辛苦, 間中上岸行吓..., 家人都去過多次, 且看幾時大人退休, 搵多幾個好伴添(你幾時過黎丫? 哈哈), 或者會去試吓...
今次跟你周圍去玩, D行程節目就住為我度身訂造, 除左天氣太熱, 我都頂得順, 冇乜呻辛苦. 食呢個主題就更加過癮, 真係食到 "嘔" ! 噫, 舊事重提, 不如遲D繼續做番以前(口既)公職啦, 你唔做真係好多人都覺得可惜, 佢地大有損失......
阿大臨走除咗招風雨，仲搞冧咗個市(犀利過秋官效應)。 呢幾日冇上網，皆因返咗大陸。 阿大咪咗咁多本財經書，有乜心得記得單聲。
回覆刪除必要時會打電話俾你架啦!!
回覆刪除LL有冇買到果本財經雜誌????
8???跌一跌又上番黎, 密切留意!
回覆刪除有乜消息，e-mail都得。LL冇買到雜誌。
回覆刪除高級旅遊車好似行走廣州香港線果 d 有飛機位梗係舒服啦，但係越往北走，有 d 比較落後 o 既地方 d 車就未必有咁好設備罅！若果要坐長程卧鋪車就更加有困迫感，我坐過幾次，十幾個鐘困響 2x6 呎度郁不得其正，以後都係盡量避免嘞！ 你要同我坐遊輪歎世界，我就幾時都無題，我都好響往一個遊輪假期，但係想與奀豬同行就幾難，佢怕坐船怕到震，或者豪華火車都有得諗。
回覆刪除金礦又去左神州辦理事務呀？係咪辦喜事呢！
回覆刪除係噃, 我省唔起師太會暈船浪...不過, 水翼船果類可能會拋D, 十萬噸或更大果D郵輪, 或者唔怕呢????
回覆刪除(再)係噃, 金礦密密返大陸, 係咪真係有野搞呀? [有乜消息，e-mail(俾我)都得。]
係嫁 ! 我唔坐得船嫁 ! 豪華火車就一定得。不過如果想塔遊輪我唔去，你可以孖法師去，我放棄論。
回覆刪除咁有機會咪試吓豪華火車囉......
回覆刪除法師：不如攪團豪華火車旅行團啦？
回覆刪除有得諗喎...; 叫得豪華火叀團, 應該會幾舒服卦...?
回覆刪除不如金礦單野到時包個豪華火車車廂招呼你地...咁咪一舉兩得...
回覆刪除豪華火車遊就得個講字 o 既啫！大陸又無豪華火車，要就一係去歐洲，但係先決條件係要成班旅行腳有銀用同有大把假期至去得成！但係小火車風情遊就易 d ，響大陸四川或者台灣中部都仲有，去五七日至十日八日都可以，洗費又唔多，不過最衰就係唔豪囉！
回覆刪除永安旅遊早陣好似入股同大陸一間公司合作, 搞新疆抑或西藏綫, 印象似乎係豪華火車黎喎???
回覆刪除不過唔清楚而家已經有, 還是要等遲吓先掂......
搭郵輪，師太暈船浪。 去新疆，太熱師大又唔啱。 去西藏，有高山症法師又頂唔順。 真係難諗
回覆刪除大陸都有豪華火車？以前淨係聽過有「東方快車」去莫斯科，後來都無左啦！永安有攪呢 d 野咩？打探下先。 金礦講到度度唔去得都係我同奀豬 o 既問題，佢梗係想話去雲南好啦，果度係風車草故鄉，去果度又可以去搵風車草 d 親戚傾偈聯絡感情，話唔定禮金都可以俾少 d 喎！不過要我地做陪客啦啦隊，都要識做 d ，起碼招呼來回旅費至係架！
回覆刪除噫, 有眉目嘞, 聽落金礦都有意思喎. 只不過佢話就得呢個黎, 另外有D又唔掂, 幾難諗到個個都啱玩(口既)啫. 你地自已傾掂, 話俾金礦知, 我諗佢就OK啦卦?
回覆刪除我唔知係唔係你心目中(口既)豪華層次, 我睇財經新聞D料, 佢地好似話唔係普通火車, 照計普通火車唔洗由一間XX公司經營?
回覆刪除咁去北京或上海啦？火車去，飛機返，或者兩程也是火車也可以。
回覆刪除成廿幾個鐘喎！夢夢你頂蒲架嗱？
回覆刪除我心目中就想火車漫遊，去到邊玩到邊，不過好難搵倒腳一齊去！
回覆刪除大陸D普通火車係咪好多人逼, 亂咁坐, 亂咁企架? 係就幾難頂!
回覆刪除宜家九鐵火車去上海北京好舒服架，四人一卡，冷氣、軟硬臥適從專便。
回覆刪除我所講o既係香港直通火車。
回覆刪除咁格局就幾好!淨係九鐵係咁咋, 譬如法話佢坐火車係大陸漫遊, 中途上車去某一處地方, 係咪又似我所講咁亂籠?
回覆刪除四人一卡，未到北京，法師已輸晒d水腳啦﹗
回覆刪除哈哈..., 法師, 我提議你不如盡快搵齊腳, 再打一場世紀之戰, 希望一洗前屎, 咪咁講落去, 到金礦結左緍, 生埋仔, 佢個仔都仲會講架......(我真係有D內疚...); 之不過係度又多D野UP吓, UPUP吓又記番中山之旅D片段, 都唔係完全冇好處喎...
回覆刪除金礦結左婚 , 生埋仔 , 佢 1 個、 2 個、 3 個 …….. 仔 / 女 繼續講添喎 ! 皆因佢記仇嫁 !
回覆刪除最近一次響大陸坐火車，係舊年五一前由長沙坐返深圳，因為時近五一大假， d 飛好緊張，我搵中介買飛，佢地 o 既手續費由平時 o 既 5-10 蚊加到四五十蚊，我至買倒一張軟卧。以呢次 o 既火車印象，的確比廿幾年前坐去北京或者杭州好左好多，起碼宜家要憑票至可以進入軟卧車箱，裏面無左 d 閒雜人等行黎行去，六人一格，每邊三張床，冷氣都算舒適。不過唔知普通車卡 o 既改進程度又去到邊呢？
回覆刪除阿大，世紀之戰係要一個世紀至打一場，下一次可能要 21xx 年至有得打，我同你都等唔倒，不如就交俾金礦、淨飯王同我契女 d 玄孫輩華山再見啦！
回覆刪除關於永安旅遊在大陸搞豪華列車資料的網址:
回覆刪除http://www.mpfinance.com/htm/Finance/20070604/News/eb_eba1.htm
阿大 : 你好......我係咪應該同你講morning呢 等你回港再去深圳食囉. 睇住我d相先啦. heehee多謝你的到訪! 其實我剛剛入你blog看過喇!祝你生活愉快!
回覆刪除哈哈, 秋本, 歡迎到訪!我應該同你講午安, 多倫多喺現在夏令時間和香港相差十二小時(多倫多遲D). 你在法師處留言, 我八卦入去你處睇吓, 竟然見到咁多美食同行山相...(尚未睇晒...)不枉此 "行". 我十分為食, 係呢便不時都去食日式自助餐, 可惜返左黎先睇到大漁呢間喺深圳(口既)日式餐廳, 從相中食物所見, 水準的確很好, 相信(?)以在大陸來說, 更加難得. (其實係大陸食刺身, 我都有戒心, 哈哈!)而家都唔知幾時才再有機會法深圳食囉...
回覆刪除哈哈！中港日加美食一家親！
回覆刪除雖然大家都為食, 不過秋本另外食番減肥餐, 又做運動做到好 "恆" 架喎, "襟" 食好多!
回覆刪除死啦！亞大，噚日偷影咗股神張貓紙，仲同個記者解讀咗，今日一早落街買報紙先知出咗頭條呀，會唔會俾人暗殺o架！唉，人怕出名，豬怕肥，我兩樣都中，睇怕都係命不久矣！亞大，最大嘅遺憾係仲未同你食多Ｄ好嘢嘛。嗚嗚
回覆刪除貓有九命, 你養左幾隻咁多, 咁錫佢地, 近朱者赤, 自己差不多已是不死之身, 駛乜驚丫! 唔知幾時再返香港, 暫時你同老友繼續去搵多D好野食, 然後擺上網等我目食住先, 頂住吓癮囉! 話時話, 呢排你地冇乜講食野喎...
回覆刪除肥仔都唔知幾掛住你，而家冇乜心機同我搵食啦﹗ 仲成日問我你幾時再返黎。
回覆刪除今次返香港, 喺食同玩兩方面都好過癮, 過癮的代價當然花費亦不少, 要慢慢先搵得番架(??...希望咋!哈哈)...下次幾時返?...睇怕都要兩三年後囉(?)...
回覆刪除你部電腦仲未好翻咩
回覆刪除唔識點搞呀! 淨係喺BLOG度出唔番以前做到(口既)格式功能, 同埋加唔到圖片, 做其他野又冇乜唔妥喎! 都唔知乜野原因...若果要搞可能要重新裝過晒部機去試(?), 麻煩人唔在講, 自己又起碼要停幾日冇機用...依家個市風頭火勢嘛...哈哈...// 見到你在飲食同運動兩方面(口既)努力, 又夠勤力寫BLOG, 真係佩服! 我都有行吓跑步機, 本來返香港前平均一星期都做到3-5日, 但回來之後仍未恢復正常..., 得閒我就會去你果便睇吓, 警惕吓自己, 希望快D做番以前咁喇...
回覆刪除咁「阿大」您除左要金精火眼 昅住個市之外，都要勤做運動 Keep 住健康呀！
回覆刪除唉, 心就成日係咁諗(口既), 不過做呢...
回覆刪除阿大﹐ 情人特意喺中秋佳節登門拜訪﹐ 仲帶埋盒月餅黎同阿大祝節﹐ 望能笑納 喺金鑛果邊俾娥姐偷食咗一個﹐ 情人馬上補番一個俾阿大﹐ 過去如有冒犯﹐情人就喺到斟茶謝過﹐ 祝你一家大小一生平安﹐ 永遠快樂!!
回覆刪除哈, 你真係客氣兼好禮, 仲整D咁得意動畫黎呢度, 生色不少呀, 多謝晒, 真係受之有愧! 我去你度都唔敢隨便留言, 驚唔覺意又試連累你或者影響你網誌D風格哩...哈哈! 說甚麼 "冒犯" 丫, 言重了. 若非因我放肆亂UP, 你或免受無妄之災, 我有D內疚就真. 不過, 大家當時都係講笑啫, 既已事過情遷, 唔使介懷喎, 係嘛? 我都喺度回禮, 祝你中秋節快樂, 事事如意...一水豈能阻, 隨時可以與 "人" 喁喁細語...
回覆刪除中秋節快樂!! 想唔想食呀?????
回覆刪除祝您「中秋節快樂、人月兩團圓」！
回覆刪除http://flash.sunvv.com/flash_full.php?fid=14064&swfurl=/flash_swf/f/flash_tuding/1095908261_15521.swf
回覆刪除