晨曦。晚餐。街頭

早醒

2圈慢踱

準唔準?

早前去聽驗身報告被姑娘無端端突擊量血壓所得的讀數嚇了一跳。
問之於白袍老友，他當時沒說甚麼，之後自己亦不大為意。

事隔兩三個星期，
上次睇完天殘腳白袍老友忽然說要同我量下血壓，打了個突。

(嗯，來了......。)

百日宴

今晚赴宴 ~ 薑酌
呢邊興 "雙月" 、"百日"
意思讓BB大尐才出嚟亮相

同席並非全部熟人
所以...好頭好尾算咯... ^-^

日誌

雖然大人放暑假，
唔使兼職早更司機，
生理時鐘有時都慣醒了。

昨晚開工稍為收早，
瞓到朝早六點就自動醒了。

睇陣機之後，
早餐未有咁早，
趁清晨涼涼地，
趌過去公園慢慢輕抒膝頭。

雜記

昨晚去侄女家食餛飩
同侄孫女玩下...

今日。當年

今日見白袍老友
匯報膝頭手尾...
問、睇、摸、按、屈...之後...
"呢次應該唔關痛風事
係行得多得滯(唉，即係唔做運動又C, 做又C...)
你食呢隻痛風藥比較勁
或者開過另外一隻止痛消炎藥畀你....
食兩三日藥唔夠架
要食多三幾日清晒佢..."

捷足

年初有聲氣話想暑假一家過嚟行下
等我地見下兩條靚
尤其個大的 ~ 兩年多前幾乎成為加國公民...

轉眼又差不多三年咯

說三道四

上星期五學期結束

大人星期一返去執檔之後就開始悠長暑假
其他同事有尐還要返暑期班

大人放假我份兼職亦冇得撈  ~ 可以有兩個月瞓晏尐咯   :-D

不過...要同大人小別...
別後工夫梗要做多尐
起碼生果要自己批先有得食咯...

大雷暴

昨晚在飯堂開餐，回家途中夾著疾風風勢落了幾陣大雨。

返到屋企就更加傾盆而下，雨聲夾著幾聲悶雷，其勢甚勁；
當時在三樓電腦房睇緊香港星期三的報紙，
都禁不住要走出去抬頭看看屋頂的天窗有沒有漏水。

今天才知道原來昨晚十分大劑...
朝早送大人返工，學校前面段路封了...

獎牌。練習。陸續有來

大人協助排練及照顧班鴨仔在教會的音樂會慶典上表演

獲頒獎牌慰勞

半途而廢

今朝返歸在家食完早餐
雖見天色陰暗
諗住未有咁快落出雨
打算嗱嗱聲過去行兩三個圈

今週一勞

昨晚OT好彩的是執到多少
唔好彩的是例牌脫唔到角

瞓到日上三竿

然後去飯堂食BRUNCH
連餸都唔使買
叠埋心水
返歸大家一邊睇波...一邊陪大人準備今晚的一餐

燦爛。負魚。赤身。大炮

大人感冒喉痛過後仍咳
自己下午單跳一課
4圈 ~ 70分鐘

好天氣

24度
陽光燦爛

朝 ~ 夕

送大人返工途中
早上未夠七時的朝陽

烚烚

昨宵開工有雨

今早天氣報告
上午雨續落、下午或有雷暴(?)...
最高24度

瞎說 "十二道"

窗外落日

須臾之間

就會消失於視線了

--------------------------------------------------

夏日美足

今早飲茶並巡完超市回來，
途經家居附近學校毗鄰的草地及球場見十分熱鬧，
好似有嘢睇咁喎...。

不甘寂寞的無聊雙英幾乎連見到倒瀉C都八卦下的...^-^

孖咇。練習

早前提過在大人學校門外的那幾棵光禿禿的樹，
和屋企前面那兩棵同種(?)、亦同一命運...。

今日才發覺原來並不盡然。

其中一棵，一枝獨綠；
茂是不怎樣茂的了，不過樂見仍有生機。
很好！ ^-^

有驚無險

昨天孖咇行公園見幾好陽光，於是短打一度。
落到街才知有風，不過都費事返轉頭攞外套。
今回到我覺得涼涼地吹到手臂都起了雞皮，可身還是夠暖的；所以不以為意。

今朝頭刺、眼澀、鼻水、覺得寒寒地...，看來又衰咗了。

小休。其他

不知是否近幾星期勤操，加上早兩天空氣潮濕，天殘腳覺得唔舒服而提出抗議。
據說，劇烈運動(? 哈...)也會誘發痛風。

今回不是腳趾公，而是膝頭哥...。

行平路還好，在家上落樓梯時右邊膝蓋外側處就牽扯覺痛，行動不大利落了。

印象己經許久沒發作過的了。
頂了一日仍沒消退跡象，前天晚上開始啪丸...。

看看藥樽日期，是2012年初攞嚟睇門口的舊藥 ~ 原封未動的。

-----------------------------

開場

移民後大槪在07年的起心肝託妹夫在其公司買了部500萬像素的人生首部相機。

原因有以下幾端：
那時剛剛開始了通過網誌和香港的親友和故舊通些消息，說些近況 ~
漸漸覺得有時一相更勝千言，有時還是有相才見真相(雖或非全部.. :P)；
部機職員優惠價特平，出便絕對買唔到；
此外，之後需要維修自己亦唔使煩 ~ 煩妹夫可矣！ ^-^

佛跳牆糉

昨天大人同班C9兵團去蒲足成日
用 "團購價" (8隻以上不過得九折而已) 買了隻貴糉回來

今晚剪綵

試機

大人有約

今朝食埋早餐跟著就送佢去會友

然後...自由時間  ~  ^-^

揭下本相機說明書
睇下馬經及隔夜賠率
梗係還...瞌陣晏覺

晚上一兜友清雪櫃的餐餘

大芥菜排骨公仔麵
大芥菜煮得腍滑、排骨不柴(因為略帶肥)
吃了一餐放在雪櫃
汁液的油脂變了白膏
易於撇清才吃或者比較健康