加國饞人: 7月 2012

2012年7月30日星期一

由朝到晚...

假期唔使開工, 早睡(凌晨之後也!)早起...
未夠六點就醒了!

自己去晨運

肚餓多時; 等埋大人出去食早餐、巡超市;
雖然飯不常煮, 都買了幾袋; 又滿倉!

自己時間咯 ~ 睇吓奧運, 上網望吓傾吓, 眼睏又瞌陣...

見蝙蝠仔...愈嚟愈得意

朝早買了餸, 今晚冇出街食

~ 蟹價回落, 青口減價...

$0.88/磅, 成袋裝住賣冇得揀, 得一兩隻唔掂, 很好咯; 兩大碗, 唔使$3, 抵食。

要整多碟肉蛋做飯餸

咁又一日,

...差不多預備開工咯。
今天應該有啲生氣嘞卦...

2012年7月26日星期四

攞證、逛店、開餐

上次專程去申請換領已經過期多月的護照。今天趁沒那麼熱, 又再走一轉去攞。

身邊重要的證件, 都是兩三年或是至長五年就要換領新的, 有時覺得幾煩。香港的駕駛執照、護照都是十年期的(?), 不用換得太頻, 豈不甚好?!

雖然平時懶郁, 搞掂了證件, 稍後看看大人想不想近近哋落美國玩幾日...

---------------------------------------------------------------------------

攞完證件, 例牌在購物中心逛陣。上次買了對拖鞋仔給堂侄, 今次再看看有沒有特大碼的, 等兩仔爺可以一人一對。

同款的沒有; 不過就見到另一款的BATMAN拖鞋, 可惜童裝特大碼連我都祇僅僅啱大細, 堂弟應該唔啱著。

大人自己略有收穫...

---------------------------------------------------------------------------

逛到黃昏夠鐘開餐...

居處隔鄰的日式自助餐廰仍然休業。街坊的小道消息謂會小休一月......; 姑聽之。

有排等, 而且唔知開唔開得番, 去別處食餐頂癮先...

係以前食開嗰間, 已久未幫趁。愈來愈貴之外, 食物水準依然麻麻; 係得個 "快" 字!

...懷念復期待...

2012年7月24日星期二

耐人尋味

測風?

雜耍?

風裏的超人?

玩命?

不管怎樣, 他看來玩得開心, 我看了不禁莞爾..

有時無聊之舉也是生活中的情趣; 希望他沒..."gone with the wind..." 就好

(相片轉貼)

2012年7月21日星期六

日誌

早醒了; 待曙色剛現, 未有咁熱(早上略有涼意), 索性過公園晨操一課...

幾聲啁啾, 列隊招呼早行人?

走廊的窗外...
知道這是甚麼東西嗎??

回來口渴, 歎杯自製凍檸茶...隔夜茶色雖然有啲瞹眜

(用L牌紅茶包), 都重幾好飲!

CIMG0001

一邊歎茶, 一邊開機睇吓美市...
香港份工邇來生意淡薄, 乏善足陳, 已常早退, 寧願去瞓。近來復見身痕

, 間中又吼番美市, 希望執些C雞, 不過都祇是久不久細注一啄。難當然是一樣的難, 甚至更難!

大人放假, 日中唔瞓得咁多, 出街以外, 就自己搵啲細藝而已...。

睇市之餘, 亦睇埋其他......美國那宗戲院12死數十傷的慘劇、多市街頭槍擊2死多傷..., 現在都唔知係乜嘢世界, 看來冇乜邊處是安全的地方了---失驚無神, 在那裏都隨時可以禍從天降, 爭在好唔好彩!!

------------------------------------------------------------------

諗住買餸煮飯
超市有大青班且略平,

臨時變卦
揀了條兩磅的; 跟著......