獨自尋歡

今晚大人和前家長+雀腳+波友等一班朋友買了一席餐券, 柴娃娃去睇朱咪咪, 我不與焉。

前無線藝員做司儀...

餐券每位$68...估計這種場合食無好食, 而歌者非我杯茶, "刻意" 搞笑我亦恐怕唔識笑, 還是慳番自己嗰份好過。


哈, 看看菜式哪...

餐後還有簽名會...

原來如此

講起真係好耐都冇買過溫哥蟹食, 因為近來好貴!!!
去年一般賣$4.99/5.99一磅, 有時減價甚至賣3.99...近月居然見過賣8.99/磅, 破晒位; 嘿, 咪...至多唔食囉!!

呢啲就唔知行情...

咁搞法, 加埋通脹, 啲嘢有乜法子唔貴?!  不易居啊, 不易居...


姨仔在FB說假期到一田想看看有些甚麼減價貨啱使, 我問佢使唔使叫架貨車載嘢返屋企;
佢話逼到...冇心機睇, 乜都買唔到!
心諗, 你邊夠祖國來客走位靈活, 眼明手快吖...

日誌

本來預備下星期初才食那餐辛苦經營、成本不菲的半價自助餐。

不過大人今日臨時要上細佬屋企戥腳, 其勢不能煮飯, 諗吓不如今日先食為快都好...。一早落大雨, 費事大人揸車, 送她上去自己走先, 寧願收檔接她再車多轉。

近日好食懶飛, 擔心鐘擺又揈回到起點一端。習慣在細佬家上磅...

比剛從香港回來時重番大約2磅, 又再衝破150磅了...

(又影到咁款...)

回來瞌了一覺。瞓醒趁有空檔, 都係落去做番日運動, 否則今晚又食...

在巨無霸跴了四十五分鐘, 都做到氣喘微汗; 做做吓, 又係我包場...

如今冬令時間天色早黑, 下午四時許已日落。天黑兼落雨, 接了今回鎩羽的大人回來去食半價餐...

芒果沙律好味醒胃

大人和我都鍾意食這間的刺身, 食材雖非矜貴, 勝在新鮮和款略多

... ... ...


最後, 想食多箸拉麵壓肚...
本來餐牌的是牛筋腩拉麵/烏冬
我比較麻煩(大人早已收工), 寫牛筋拉麵(還要圈住牛筋和拉麵兩者, 特意提醒廚房。不想要腩, 因為怕大舊又鞋, 哽唔落淨番晒; 亦怕畀錯烏冬, 因為喜歡拉麵較有咬口。)
知道這樣寸係寸啲, 但廚房又真係依足所寫的要求出貨喎...

正!! 湯味濃郁, 腩是帶筋、帶膏的部份, 沒有一舊淨肉瘦腩, 看得出是挑...出來的。哈哈, 為感謝廚房滿足顧客的這番心意, 行動勝於一切, 飽都幾乎食晒咁大碗, 大人亦為之咋舌...(不過...寫這新篇時仍在積極消化之中...)

歎埋呢杯咖啡, 半價餐畫上完美的句號。

餐價五折, 但稅仍是收兩個餐價的...

繼續邁向稍後的免費餐...

飲茶、新鈔、笑容

今天是大人學校的特別假期, 非公眾假日冇咁多人, 朝早他他條條飲茶去也...

甚少食的...

-------------------------


飲完茶去銀行。大人知道最近出了款新的塑膠鈔票...(加拿大首次發行塑膠鈔票)
印刷精細且有多重防偽設計, 相信極難造假; 不過我還是比較喜歡傳統的 "銀紙" 的那種質感...

白色透明框內, 在不同角度可見...

-------------------------


堂侄第三朝首現這可愛的笑容. ......唐伯虎睇見都暈得一陣!

出世翌日...